នៅក្នុងមហាសន្និបាតព្រះសហគមន៍កាតូលិកទ្វីបអាស៊ី គ្រិស្តបរិស័ទត្រូវបានលើកទឹកចិត្តឲ្យរិះគិត លើមហាព្រឹត្តិការណ៍មួយនៅក្នុងឆ្នាំ២០៣៣ខាងមុខ ។
លោកអគ្គអភិបាល ស៊ីម៉ន ប៉ុស្តិ៍ (Simon Post ) ប្រធានអន្តរសភាលោកអភិបាលព្រះសហគមន៍កាតូលិក ម៉ាឡេស៊ី និង ជាអគ្គអភិបាលនៃព្រះសហគមន៍ភូមិភាគគូជីននៅក្នុងប្រទេសនេះ បានស្នើឲ្យគ្រិស្តបរិស័ទរិះគិតអំពី មហាព្រឹត្តិការណ៍នៃការរៀបចំខួបលើកទី២០០០ នៃថ្ងៃព្រះយេស៊ូរស់ឡើងវិញនៅអាស៊ី នៅក្នុងឆ្នាំ២០៣៣ខាងមុខនេះ ។
លោកអគ្គអភិបាលក៏បានលើកទឹកចិត្តឲ្យគ្រិស្តបរិស័ទរិះគិតអំពី សំនួរមួយចំនួននៅក្នុងនោះ គឺសំនួរដ៏ពិសេសនិងសំខាន់បំផុតគឺ “តើយើងគួរនឹងថ្វាយអំណោយអ្វីដល់ព្រះជាម្ចាស់នៅមហាព្រឹត្តិការណ៍ខាងមុខ ?”
លោកអគ្គអភិបាលបានមានប្រសាសន៍បន្តទៀតថា រយៈពេល៧ឆ្នាំបន្ទាប់ គឺជាពេលវេលានៃការការរំលឹកអំពីការបន្តឡើងវិញនូវការធ្វើដំណើរជាមួយគ្នា។
លោកអគ្គអភិបាលបានរំលឹកដល់ប្រតិភូថា អាស៊ីគឺជា ទឹកដីរបស់យុវជន ដោយសារតែទ្វីបនេះមានយុវជន ៦០% នៃពិភពលោក ដូច្នេះ ការគាំទ្រគ្រួសារ ការពង្រឹងការអប់រំ ការបង្កើតអ្នកដឹកនាំ និងការលើកកម្ពស់ការចូលរួមរបស់យុវជន គឺមានសារៈសំខាន់សម្រាប់អនាគតរបស់ព្រះសហគមន៍នៅក្នុងដំណើរឆ្ពោះទៅមុខ។
លោកអគ្គអភិបាលបានដកស្រង់សំដីសន្តយ៉ូហានប៉ូលទី ២ ថា “គ្រិស្តបរិស័ទគឺជាបច្ចុប្បន្នកាលរបស់ព្រះជាម្ចាស់ ដូច្នេះយុវជនមិនត្រឹមតែជាអនាគតប៉ុណ្ណោះទេ ពួកគេគឺជាបច្ចុប្បន្នកាល ដែលជាគ្រាប់ពូជនៃជីវិតរិះគិតអំពីទេវភាពសម្រាប់អាស៊ីនៅនៅពេលអនាគត”។
Daily Program
