ព្រះសហគមន៍កាតូលិកអាស៊ីត្រូវបានលើកទឹកចិត្តឲ្យរិះគិតអំពីអន្តរទំនាក់ទំនងសាសនា និង ភាពអ្នកជិតខាងនៃសាសនា
លោកអគ្គអភិបាល ស៊ីម៉ន ប៉ុស្តិ៍ (Simon Post ) ប្រធានអន្តរសភាលោកអភិបាលព្រះសហគមន៍កាតូលិក ម៉ាឡេស៊ី បានលើកឡើងពីសារៈសំខាន់នៃអន្តរសាសនាជាមួយនឹងសាសនាផ្សេងៗ និង រិះគិតអំពីភាពអ្នកជិតខាងនៃសាសនានៅក្នុងទ្វីបអាស៊ី ។
លោកអគ្គអភិបាល ស៊ីម៉ន បានមានប្រសាសន៍នៅក្នុងមហាសន្និបាតព្រះសហគមន៍កាតូលិកទ្វីបអាស៊ី កាលពីថ្ងៃទី ២៨ ខែវិច្ឆិកា ឆ្នាំ២០២៥ នៅទីក្រុងប៉េណាំង ថា ការធ្វើដំណើររួមគ្នាជាមួយសាសនាដ៏ទៃ គឺជាគន្លឹះនៃសុខដុមរមនានៃសង្គមអាស៊ី ហើយលោកបានលើកទឹកចិត្តឲ្យគ្រិស្តបរិស័ទរិះគិតអំពីការសន្ទនា និងអន្តរសាសនា ។
នៅក្នុងនាមជាម្ចាស់ផ្ទះនៃព្រឹត្តិការណ៍នោះ លោកអគ្គអភិបាល បានបង្ហាញនូវការគាំទ្រយ៉ាងខ្លាំងចំពោះការសន្ទនា និងភាពសុខដុមរមនាអន្តរសាសនា ហើយបានអំពាវនាវដល់សាសនានានា នៅអាស៊ីឱ្យដើរជាមួយគ្នា និងចាត់ទុកប្រពៃណីជំនឿផ្សេងៗនៅក្នុងទ្វីបជាមាគ៌ាកសាងភាពសុខសាន្តនៅក្នុងទ្វីប ។
លោកក៏បានលើកឧទាហណ៍អំពីរបៀបដែល ជនជាតិចិន ឥណ្ឌា ម៉ាឡេ ជនជាតិដើមភាគតិច និងបងប្អូនប្រជាជនដែលមានជំនឿផ្សេងៗរស់នៅជាមួយគ្នានៅម៉ាឡេស៊ី ឥណ្ឌូនេស៊ី និង សិង្ហបុរីជាដើម ដោយសង្កត់ធ្ងន់ថាភាពចម្រុះនៃជំនឿនេះ បង្កើតបានជាបរិបទប្រចាំថ្ងៃដែលគ្រិស្តបរិស័ទម៉ាឡេស៊ីធ្វើជាសាក្សី ដែលយើងត្រូវរិះគិតដើម្បីដើរជាមួយគ្នាដោយសុខដុមរមនា។
Daily Program
