ព្រះរាជក្រឹត្យ តែងតាំងអភិបាលខេត្តថ្មីចំនួន ៤រូប និងផ្លាស់ប្តូរអភិបាលខេត្តចំនួន៤រូប
ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានត្រាស់បង្គាប់តែងតាំងអភិបាលខេត្តថ្មីចំនួន ៤រូប និងផ្លាស់ប្តូរទៅខេត្តផ្សេងចំនួន៤រូប។ នេះបើយោងតាមព្រះរាជក្រឹត្យ ផ្សេងៗគ្នា ចុះថ្ងៃទី២៤ ខែមិថុនា ឆ្នាំ២០២៤។
លោក លោក ម៉ាង ស៊ីណេត អតីតអភិបាលរងខេត្តព្រះសីហនុ; លោក សរ សុពុត្រា អតីតអភិបាលរងខេត្តកំពង់ស្ពឺ; លោក មាន ចាន់យ៉ាដា និង លោក នួន ផារ័ត្ន ដែលជាអតីតអភិបាលរងរាជធានីភ្នំពេញ ត្រូវបានតែងតាំងជាអភិបាលខេត្តព្រះសីហនុ, ខេត្តស្ទឹងត្រែង, ខេត្តឧត្តរមានជ័យ និងខេត្តកំពង់ធំ។
ជាមួយគ្នានេះព្រះរាជក្រឹត្យក៏បានតែងតាំង លោក វ៉ី សំណាង អតីតអភិបាលខេត្តកំពង់ស្ពឺ; លោក គួច ចំរើន អតីតអភិបាលខេត្តព្រះសីហនុ; លោក ជាម ច័ន្ទសោភ័ណ អតីតអភិបាលខេត្តត្បូងឃ្មុំ និង លោក ប៉ែន កុសល្យ អតីតអភិបាលខេត្តឧត្តរមានជ័យ បានក្លាយជាអភិបាលខេត្តតាកែវ, ខេត្តកណ្តាល, ខេត្តកំពង់ស្ពឺ និងខេត្តត្បូងឃ្មុំ។
ក្រៅពីនេះ លោក គង់ សោភ័ណ្ឌ អតីតអភិបាលខេត្តកណ្តាល; លោក អ៊ូច ភា អតីតអភិបាលខេត្តតាកែវ; លោក ស្វាយ សំអ៊ាង អតីតអភិបាលខេត្តស្ទឹងត្រែង និង លោក ងួន រតនៈ អតីតអភិបាលខេត្តកំពង់ធំ ត្រូវបានផ្ទេរទៅជារដ្ឋលេខាធិការក្រសួងមហាផ្ទៃ៕
Daily Program
