សម្តេចប៉ាបហ្រ្វង់ស៊ីស្កូបានយាងបើកទ្វារពិសិដ្ឋសម្រាប់ពិធីបុណ្យព្រះយេស៊ូប្រសូត្រនៅនៅក្នុងពន្ធនាគារ រីប៊ីបៀ (Rebibbia New Complex ) ក្នុងទីក្រុងរ៉ូម ហើយទ្រង់បាន និងប្រារព្ធពិធីថ្វាយអភិបូជាសម្រាប់អ្នកទោសនៅទីនោះតែម្តង។ នេះបើតាមសេចក្តីរាយការណ៍របស់វ៉ាទីកង់ញូវ ។
នាឱកាសនោះសម្តេចប៉ាបបានពន្យល់ថា ៖ «ទូលបង្គំជាខ្ញុំចង់បានទ្វារពិសិដ្ឋ ទីពីរដែលខ្ញុំបើកឱ្យនៅទីនេះនៅក្នុងពន្ធនាគាត សម្រាប់បើកទំព័រថ្មីនៃឆ្នាំអំណរសប្បាយនិងជាឆ្នាំនៃសេចក្តីសង្ឃឹម»។
សម្តេចប៉ាបបានមានបន្ទូលទៀតថា ទ្វារដំបូងដែលត្រូវបានបើកគឺ ទ្វាពិសិដ្ឋ នៃវិមានសន្តសិលាបាស៊ីលីការ ដែលបានបើកនៅថ្ងៃទី២៤ ខែធ្នូ ឆ្នាំ ២០២៤ បន្ទាប់មក គឺបានបើកទ្វារ នេះ ជាលើកដំបូងនៅក្នុងមន្ទីរឃុំឃាំង ។
នៅក្នុងឱកាសនោះសម្តេចប៉ាបបានមានបន្ទូលអំពីសារៈសំខាន់នៃការបើកទ្វារនៅទីនោះ។ នៅពីមុខសាលាជំនុំនៃមន្ទីរឃុំឃាំង ទ្រង់បានពន្យល់ថា ទ្រង់ចង់ឱ្យមនុស្សគ្រប់រូប «មានឱកាសដើម្បីបើកទ្វារទៅកាន់ដួងចិត្តរបស់ពួកគេ ហើយយល់អំពីសេចក្ដីសង្ឃឹមនោះមិនដែលខកចិត្តឡើយ»។
សម្តេចប៉ាប ក៏បានឆ្លុះបញ្ចាំងអំពីហេតុផលជាប្រវត្តិសាស្ត្រសម្រាប់ដំណើរទស្សនកិច្ចរបស់ព្រះអង្គ ដោយពណ៌នាថា នេះជាកាយវិការដ៏ស្រស់ស្អាត ប៉ុន្តែលើសពីការបើកទ្វារធម្មតា សម្តេចប៉ាបបានលើកទឹកចិត្តអ្នកទោសដែលមានវត្តមាន ឲ្យបើកបេះដូងរបស់ពួកគេ ហើយបញ្ជាក់ថា ភាតរភាពគឺជា «ចិត្តបើកចំហ ហើយក្តីសង្ឃឹមគឺជាយុថ្កា»។
សម្តេចប៉ាបបានប្រដូចក្តីសង្ឃឹមទៅនឹងយុថ្កានៅលើច្រាំង ដែលចងដោយខ្សែពួរដោយសុវត្ថិភាព។ ទ្រង់បានបន្តថា ពេលខ្លះ ខ្សែពួររឹង ហើយវាធ្វើឲ្យដៃយើងឈឺ។ ទោះបីជានៅក្នុងគ្រាទាំងនេះក៏ដោយ យុថ្កានៃក្តីសង្ឃឹមនៅតែរក្សាយើងឆ្ពោះទៅមុខ៕
Daily Program
