លោកស្រី ក្លូឌៀ សិកបោន (Claudia Sheinbaum ) បានឈ្នះការបោះឆ្នោតភ្លូកទឹកភ្លូកដី ដើម្បីក្លាយជាប្រធានាធិបតីស្ត្រីទីមួយរបស់ប្រទេសម៉ិកស៊ិក។
យោងតាមក្រុមប្រឹក្សាបោះឆ្នោតរបស់ប្រទេសម៉ិកស៊ិក លោកស្រី បានឈ្នះតំណែងប្រធានាធិបតីដោយទទួលបានសម្លេងគាំទ្រ ចន្លោះពី៥៨ ទៅ ៦០ ភាគរយ។
តាមការគ្រោងទុកលោកស្រីនឹងចូលមកដឹកនាំប្រជាជាតិនេះ នៅថ្ងៃទី១ ខែតុលា ឆ្នាំ២០២៤ខាងមុខ។
លោកស្រីត្រូវបានគេដឹងថា គឺជាអ្នករូបវិទ្យា និងវិស្វករបរិស្ថានហើយ ធ្លាប់កាន់តំណែងជា អភិបាលក្រុងម៉ិកស៊ិកពីឆ្នាំ ២០១៨ ដល់ឆ្នាំ២០២៣។
នៅមុនការបោះឆ្នោតលោកស្រីបានសន្យាថានឹងបង្កើនកម្មវិធីសុខុមាលភាពសង្គម ជាពិសេសការអភិវឌ្ឍន៍ប្រព័ន្ធសោធននិវត្តន៍សម្រាប់មនុស្សចាស់ ប៉ុន្តែលោកស្រីត្រូវបានគេដឹងថា នឹងប្រឈមមុខនឹងបញ្ហាដ៏ធំហើយគួរឲ្យខ្លាច ពីក្រុមអ្នកជួញដូរគ្រឿងញៀនដែលជាប្រភព ឃាតកម្មក្រៅច្បាប់របស់ប្រទេសនេះ៕
Daily Program
