របាយការណ៍ប្រចាំឆ្នាំរបស់ការិយាល័យអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម (UNODC) បានបង្ហាញថា នៅក្នុងឆ្នាំ២០២៣ ការផលិតអាភៀននៅមីយ៉ាន់ម៉ាមានបរិមាណបានលើសប្រទេសអាហ្វហ្គានីស្ថាន។ នេះបើតាមសេចក្តីរាយការណ៍របស់ទីភ្នាក់ងារព័ត៌មានហ្វីដេស។
ឯកសារដែលមានចំណងជើងថា ៖ «ការស្ទាបស្ទង់អាភៀនអាស៊ីអាគ្នេយ៍ឆ្នាំ ២០២៣ ការដាំដុះ ការផលិត និងផលប៉ះពាល់» បានបង្ហាញថា ផលិតកម្មអាភៀននៅក្នុងប្រទេសមីយ៉ាន់ម៉ាមានបរិមាណកើនឡើងដល់ទៅ៣៦ភាគរយ។
ប្រភពដដែលបានបន្តថា នៅក្នុងឆ្នាំ២០២២ បរិមាណដែលមីយ៉ាន់ម៉ាផលិតអាភៀនបានគឺតែ ប្រមាណ ៧៩០ តោនទេ ប៉ុន្តែនៅឆ្នាំ២០២៣គឺអាចកើនដល់ទៅ ១.០៨០ តោន ដោយឡែក នៅអាហ្គានីស្ថានវិញ មានព័ត៌មានថា របបតាលីបាននៅក្នុងប្រទេសនេះ បានចេញបម្រាម ហាមអាភៀន ដូច្នេះផលិតកម្មអាភៀនប្រទេសនេះថយចុះដល់ទៅ៩៥ ភាគរយមកនៅត្រឹមតែបរិមាណ ជាង ៣៣០ តោនប៉ុណ្ណោះ។
មកដល់ពេលនេះ គេបានប៉ានប្រមាណថា ផ្ទៃដីដាំដុះដំណាំអាភៀន ដែលជាប្រភពចម្បងនៃផលិតកម្មអាភៀន បានថយចុះពី ២៣៣.០០០ ហិកតា ក្នុងឆ្នាំ ២០២២ មកនៅត្រឹម ១១.០០០ ហិកតា ក្នុងឆ្នាំ ២០២៣។
ប៉ុន្តែប្រភពដដែលបានបន្តថា ទោះបីជាការដាំដុះអាភៀននៅក្នុងប្រទេសមីយ៉ាន់ម៉ានៅតែត្រូវបានចាត់ទុកថាជាសិប្បករ និងផ្សារភ្ជាប់ទៅនឹងសេដ្ឋកិច្ចចិញ្ចឹមជីវិតដ៏សំខាន់ ។
អង្គការខាងលើបានគូសបញ្ជាក់ថា "ការដាំដុះបែបនេះនៅក្នុងប្រទេសមីយ៉ាន់ម៉ានៅតែបន្តរីកដុះដាល តែក៏កាន់តែលាក់លៀម៕
Daily Program
