ប្រធានាធិបតីអ៊ុយក្រែនលោក វូឡូឌីមៀ ហ្សេឡេនស្គី ( Volodymyr Zelenskyy ) បានជំរុញឱ្យសហរដ្ឋអាមេរិក និងសម្ព័ន្ធមិត្តចាត់វិធានការយ៉ាងម៉ឺងម៉ាត់ប្រឆាំងនឹងរុស្ស៊ី ខណៈដែលប្រទេសរបស់លោកកាន់ទុក្ខចំពោះការវាយប្រហារលើមន្ទីរពេទ្យកុមារដ៏ធំបំផុតរបស់អ៊ុយក្រែន។
មន្ទីរពេទ្យកុមារនេះ ជាមន្ទីរពេទ្យធំជាងគេ ស្ថិតនៅក្នុងទីក្រុងគៀវ ហើយការវាយប្រហារនេះ បណ្ដាលឲ្យកុមារនិងទារកជាច្រើនត្រូវបានជម្លៀសចេញដោយសុវត្ថិភាព ប៉ុន្តែខ្លះទៀតកំពុងស្ថិតនៅក្នុងកំណាយនៅឡើយ។
វ៉ាទីកង់ញូវបានរាយការណ៍ថា ការអំពាវនាវរបស់លោកហ្សេឡេនស្គី ធ្វើឡើងក្នុងកិច្ចប្រជុំកំពូលសម្ព័ន្ធមិត្តយោធាណាតូក្នុងទីក្រុងវ៉ាស៊ីនតោន ទោះបីជាទីក្រុងម៉ូស្គូបានបដិសេធការទទួលខុសត្រូវចំពោះការស្លាប់នេះក៏ដោយ។
លោកត្រូវបានស្វាគមន៍ក្នុងនាមជាវីរបុរស ប៉ុន្តែភ្លាមៗនោះលោកបានបញ្ជាក់យ៉ាងច្បាស់ថាវីរបុរសពិតប្រាកដកំពុងប្រយុទ្ធនៅជួរមុខប្រឆាំងនឹងការឈ្លានពានរបស់រុស្ស៊ី។ នៅក្នុងសុន្ទរកថានៅខាងក្រៅកិច្ចប្រជុំកំពូល ណាតូ ប្រធានាធិបតីអ៊ុយក្រែន បាននិយាយថា ត្រូវតែចាត់វិធានការមុនពេលការបោះឆ្នោតប្រធានាធិបតីអាមេរិកក្នុងខែវិច្ឆិកា ដើម្បីទប់ទល់ការវាយលុករបស់រុស្ស៊ី។
លោក បានសង្កត់ធ្ងន់ថា «វាល្មមដល់ពេលសម្រេចចិត្តធ្វើសកម្មភាព ចេញពីស្រមោលនេះហើយ មិនត្រូវរង់ចាំដល់ខែវិច្ឆិកា ឬខែផ្សេងទៀតដែលត្រូវធ្លាក់ចុះនោះទេ។ យើងត្រូវតែរឹងមាំ ហើយទៅមុខទាំងអស់គ្នា»។
ពាក់ព័ន្ធនឹងបញ្ហានេះ លោក វ៉ាស៊ីលី ណេបេនយ៉ា (លោក Vasily Nebenzya)ឯកអគ្គរដ្ឋទូតរុស្ស៊ីប្រចាំនៅអង្គការសហប្រជាជាតិ បានបដិសេធថា ប្រទេសរបស់លោកមិនទទួលខុសត្រូវចំពោះការការវាយប្រហារនេះទេ។ លោកបាននិយាយថា យើងបាននិយាយជាញឹកញយថា រុស្ស៊ីមិនវាយប្រហារគោលដៅជនស៊ីវិលនៅអ៊ុយក្រែនទេ ហើយនិយាយអំពីការវាយប្រហាររបស់កងកម្លាំងអាកាសរុស្ស៊ីដែលត្រូវបានធ្វើឡើងប្រឆាំងនឹងគោលដៅយោធានៅអ៊ុយក្រែន និងមូលដ្ឋានទ័ពអាកាសរបស់អ៊ុយក្រែនប៉ុណ្ណោះ"។
ទោះបីជាយ៉ាងណាក៏ដោយ ក្រុមអ្នកស៊ើបអង្កេតរបស់អង្គការសហប្រជាជាតិ បាននិយាយថា រូបភាពវីដេអូ និងការរកឃើញនៅលើគេហទំព័របង្ហាញថា មន្ទីរពេទ្យ "បានវាយប្រហារដោយផ្ទាល់ ជាជាងទទួលបានការខូចខាតដោយសារប្រព័ន្ធអាវុធស្ទាក់ចាប់ ដូចដែលរុស្ស៊ីបានបានបង្ហាញ។
Daily Program
