លោកវ៉ូឡូឌីមៀ ហ្សេឡេនស្គី ដែលកាន់មុខនាទីតាំងពីឆ្នាំ២០១៩ មានទំនួលខុសត្រូវ ចំពោះ មុខនាទីដ៏លំបាក ដើម្បីដឹកនាំជាតិមួយ ដែលអត្ថិភាពនៃប្រជាជាតិនេះត្រូវបានទទួលរងការគំរាមកំហែងជាបន្តបន្ទាប់ដោយសារសកម្មភាពរបស់ប្រទេសជិតខាងរុស្ស៊ី។ រយៈពេល ២ឆ្នាំ កន្លះ ដែលអ៊ុយក្រែនការពារខ្លួនប្រឈមមុខនឹងការឈ្លានពានរបស់ទាហានលោកវ្លាឌីមៀ ពូទីន។ នេះគឺជារយៈពេលមួយដែលបានផ្លាស់ប្តូរអ្នកកំប្លែងមួយរូប។ លោកហ្សេឡេនស្គី បានផ្លាស់ប្តូរទម្លាប់ដោយពាក់អាវយឺតពណ៌ទាហាន ហើយក៏ទុកពុកមាត់ ដែលពីមុនធ្លាប់កោរចេញយ៉ាងស្អាត។ កាលបរិច្ឆេទរបស់លោក គឺមានចង្វាក់ជាមួយការជួបភ្ញៀវអន្តរជាតិ ដែលនៅពេលជំនួប លោកមិនដែលភ្លេចប្រាប់ពួកគេអំពីការការពារបុព្វហេតុនៃប្រទេសរបស់លោកឡើយ។
ម្យ៉ាងវិញទៀត ប្រធានាធិបតីអ៊ុយក្រែនបានចាប់យកសារសំខាន់នៃទំនាក់ទំនងនៅក្នុងជម្លោះនៃសតវត្សទី២១ នេះ ធ្វើជាអ្នកនាំសម្លេងដ៏សំខាន់នៃបុព្វហេតុរបស់អ៊ុយក្រែន។ ជាធម្មតា លោកទទួលបន្ទុកបង្ហាញនូវការបម្រើអ៊ុយក្រែនដោយការបំពាក់អាវុធថ្មីៗ ការផលិតអាវុធ និងដែលមានសមត្ថភាពអាចវាយប្រហារយ៉ាងជ្រៅទៅក្នុងដែនដីសត្រូវ។
រហូតមកដល់ពេលនេះ មហាអំណាចលោកខាងលិចកម្រិតការប្រើប្រាស់មីស៊ីលដែលពួកគេផ្តល់ឲ្យអ៊ុយក្រែន។ កាលពីខែឧសភា ពួកគេទើបផ្តល់ដំណោះស្រាយអនុញ្ញាតឲ្យទាហានលោកហ្សេឡេនស្គីអាចវាយប្រហារទៅលើទីក្រុងប៊ែរហ្គារ៉ូដ ដែលស្ថិតនៅក្នុងទឹកដីរុស្ស៊ីចម្ងាយ ៣០គម ពីព្រំដែន និងបរិវេណជុំវិញ។
តាមពិត លទ្ធភាពនៃការវាយប្រហារដល់ទីជម្រៅទៅលើតំបន់ឧស្សាហកម្មយោធារបស់លោកវ្លាឌីមៀ ពូទីន គឺមានកម្រិត។ ប៉ុន្តែវាចាប់មានដំណោះស្រាយដើមដំបូងដែលចាប់ផ្តើមសម្រាប់អ៊ុយក្រែន។ មីស៊ីលថ្មី ដែលមានឈ្មោះ ប៉ាលីយ៉ានីស្យា មានន័យថា “នំប៉័ងតូច” គឺជាមីស៊ីលអន្តរទ្វីបដែលផលិតនៅអ៊ុយក្រែន។ កាលពីថ្ងៃទី២៥ ខែសីហា នៅលើបណ្តាញសង្គម លោកវ៉ូឡូឌីមៀ ហ្សេឡេនស្គី បានប្រកាសអំពីការប្រើប្រាស់វានៅលើសមរភូមិ។ ប៉ុន្តែមិនទាន់មានព័ត៌មានផ្លូវការណាមួយ បង្ហាញអំពីប្រសិទ្ធភាពរបស់វាទេ។
នៅលើបណ្តាញសង្គម X គេអាចមើលឃើញវីដេអូ អំពីអ្វីដែលប្រធានាធិបតីអ៊ុយក្រែន បង្ហាញថា វាគឺជាដ្រូនកាំជ្រូច។ យោងតាមសំដីរបស់ប្រធានាធិបតីអ៊ុយក្រែន វាត្រូវបានអភិវឌ្ឍដើម្បីបំផ្លាញទីតាំងការពារដ៏មានសក្តានុពលរបស់សត្រូវ។
នៅក្នុងវីដេអូមួយដែលត្រូវបានចែករំលែកជាមួយនឹងការប្រកាសអំពីការមកដល់នៃមីស៊ីល ប៉ាលីយ៉ានីស្យា ទីក្រុងគៀវ ពន្យល់ថា យុទ្ធសាស្រ្តរបស់ខ្លួន គឺវាយប្រហារព្រលានយន្តហោះរុស្ស៊ី ដែលជាកន្លែងដែលគេប្រើប្រាស់ដើម្បីនាំទម្លាក់គ្រាប់បែក ប្រមាណ ៤៣០០០គ្រាប់ បាញ់មីស៊ីល និងដ្រូនផ្សេង វាយប្រហារទៅលើដែនដីអ៊ុយក្រែនតាំងពីការចាប់ផ្តើមានជម្លោះ។ ជាមួយនឹងការមកដល់នៃ មីស៊ីលប៉ាលីយ៉ានីស្យា អ៊ុយក្រែនអះអាងថា នឹងអាចបាញ់បំផ្លាញព្រលានយន្តហោះរុស្ស៊ីជាង ២០ កន្លែង។
កាលពីថ្ងៃទី២៦ ខែសីហា ប្រធានាធិបតីហ្សេឡេនស្គី បាននិយាយដើម្បីភាពត្រឹមត្រូវថា វត្តមានរបស់កងកម្លាំងអ៊ុយក្រែននៅក្នុងតំបន់គូស្ក៍របស់រុស្ស៊ី ព្រមទាំងការវាយប្រហារទៅលើដីរុស្ស៊ី គឺជាមធ្យោបាយផាត់សងនូវកង្វះសមត្ថភាពរបស់អ៊ុយក្រែនក្នុងការប្រើមីស៊ីលរយៈចម្ងាយឆ្ងាយ។
ចំណែកលោកឧត្តមសេនីយ៍បារាំង ដូមីនីក ត្រាំងកង់ អតីតប្រមុខបេសកកម្មយោធាបារាំងនៅអង្គការសហប្រជាជាតិ បានបរិយាយថា ដោយបំពាក់មីស៊ីលអន្តរទ្វីប អ៊ុយក្រែនមានសមត្ថភាពអាចនាំយកគ្រឿងផ្ទុះវាយប្រហារគោលដៅកាន់តែសំខាន់បន្ថែមពីលើដ្រូនដែលមានស្រាប់។
Daily Program
