ប៉មនៃព្រះវិហារដែលត្រូវបានបំផ្លិចបំផ្លាញ និងកប់ដោយការផ្ទុះភ្នំភ្លើងរាប់សិបឆ្នាំកន្លងមកកំពុងតែក្លាយជារមណីដ្ឋានទេសចរណ៍ដែល ដែលមានចម្ងាយជាង ៤០០ គីឡូម៉ែត្រភាគអាគ្នេយ៍នៃទីក្រុងម៉ានីល។
លោកបូជាចារ្យ ចូសេប សាឡានដូ (Joseph Salando ) អ្នកទទួលខុសត្រូវនៃព្រះសហគមន៍នៅក្នុងតំបន់នោះបានឲ្យដឹងថា ព្រះវិហារកាតូលិកនៅទីនោះត្រូវបានបំផ្លាញ់ដោយបន្ទុះភ្នំភ្លើង តាំងតែពី ថ្ងៃទី១ ខែកុម្ភៈ ឆ្នាំ១៨១៤ មកម្ល៉េះ ប៉ុន្តែវានៅសេសសល់ប៉មមួយនេះនៅឈរត្រដែតដល់សព្វថ្ងៃ ។
ចាប់តាំងពីពេលនោះមកវិហារនេះត្រូវបានបោះបង់ចោលមួយរយៈប៉ុន្តែក្រោយៗមក ជាពិសេសនៅពេលបច្ចុប្បន្នក៏ត្រូវបានគេដឹងថា គឺជារមណីដ្ឋានដ៏ទាក់ទាញមួយ ។
តាមឯកសារ វិហារនេះត្រូវបាន សាងសង់ នៅឆ្នាំ ១៥៨៧ ហើយត្រូវបានដុតបំផ្លាញដោយការលុកលុយរបស់ ហូឡង់ នៅឆ្នាំ ១៦៣៦ ហើយក៏បានសាងសង់ឡើងវិញនៅឆ្នាំ១៧២៤ រហូតដល់ទីនោះត្រូវបានបំផ្លាញដោយការបន្ទុះភ្នំភ្លើងនៅឆ្នាំ១៨១៤។
ទីនោះត្រូវបោះបង់ចោលរហូតដល់ឆ្នាំ១៩៥០ ហើយក៏បានក្លាយជាកន្លែងដែលគេចាប់អារម្មណ៏បន្តិចម្តងៗរហូតដល់សព្វថ្ងៃ។
នៅពេលនេះនៅក្នុងមួយថ្ងៃៗមានអ្នកទេសចរពី ៣០០ ទៅ៥០០ នាក់ បានមកលេង និងថតរូបនៅទីនោះ៕
Daily Program
