ទីភ្នាក់ងារព័ត៌មានកាតូលិក ហ្វីដេស (Fides News Agency)បានរាយការណ៍ថា អស់លោកបូជាចារ្យនៅក្នុងព្រះសហគមន៍ដែលកំពុងតែមានបញ្ហាវិបត្តិជនភៀសខ្លួនដោយ អំពើហិង្សានានា គឺកំពុងតែផ្តល់ការជួយសង្រ្គោះជនរងគ្រោះដោយអំពើហិង្សានានា។
ប្រភពដដែលបានបន្តថា អស់រយៈពេលពីរឆ្នាំនៃសង្រ្គាមស៊ីវិលនៅក្នុងប្រទេសនេះ ក្រុមលោក បូជាចារ្យ គ្រូអប់រំជំនឿ និងគ្រីស្តបិរស័ទគឺសុទ្ធតែយកចិត្តទុកដាក់ខ្ពស់ណាស់លើសេវាកម្ម និងការជួយសង្រ្គោះអស់អ្នកដែលកំពុងតែមានទុក្ខដោយពួកគេភៀសខ្លួនទៅរស់នៅក្នុងព្រៃ និងតាមជំរុំនានា។
មកដល់ពេលនេះ អំពើហិង្សានៅតាមសហគមន៍មួយចំនួនបានកំពុងតែផ្ទុះឡើងរវាងក្រុម កងកម្លាំងនៃរបបយោធាមីយ៉ាន់ម៉ា និងក្រុមឧទ្ទាមជាជនជាតិភាគតិច សហការជាមួយនឹងចលនា ប្រឆាំងរបបយោធា របស់ប្រទេសនេះនៅតាមតំបន់ព្រំដែនមួយចំនួនជាប់នឹងឥណ្ឌា និងចិន ជាដើម។
លោកបូជាចារ្យមួយរូបបានប្រាប់ប្រភពដដែលថា លោកអភិបាល និងបណ្តាបូជាចារ្យ ដោយរួមទាំងគ្រីស្តបរិស័ទគឺកំពុងតែជួយគ្នា ជំនៈនូវការលំបាកនិងគ្រោះថ្នាក់ហើយក៏មិនដែលខ្លាច ពីគ្រោះថ្នាក់នៅក្នុងការបំពេញបេសកម្មមនុស្សធម៌ដូចដែលព្រះយេស៊ូ និងសាវ័គ បានធ្វើនៅក្នុងប្រវត្តិសាស្រ្តកន្លងមក។
ប្រភពដដែលបានរាយការណ៍ថា អស់រយៈពេល២ ឆ្នាំនៃការរំជើបរំជួល សង្រ្គាម និងអំពើហិ ង្សា គេប៉ាន់ប្រមាណថា មីយ៉ាន់ម៉ាជួបវិបត្តិជនភៀសខ្លួនប្រមាណជា ២,៥ លាននាក់ ហើយស្ថិតិអាចនឹងបន្តកើនឡើងបន្ថែមទៀត៕
Daily Program
