បុរីវ៉ាទីកង់ បោះពុម្ពប្រតិទិនការងាររបស់សម្តេចប៉ាប

ការិយាល័យព័ត៌មានសន្តអាសនៈ បញ្ជាក់ពីដំណើរទស្សនកិច្ចនាពេលខាងមុខរបស់សម្តេចប៉ាបហ្រ្ងង់ស៊ីស្កូទៅកាន់ទីក្រុង Trieste ប្រទេសអ៊ីតាលី អាស៊ីអាគ្នេយ៍ អូសេអានី និងបណ្តាប្រទេសអឺរ៉ុប។​

តាមកម្មវិធីនោះ សម្តេចប៉ាបនឹងយាងដំណើរទៅទស្សនៈកិច្ច ទៅកាន់ទីក្រុង Trieste ប្រទេសអ៊ីតាលីនៅដើមខែកក្កដា ។​

ហើយក្នុងអំឡុងពេលដំណើរទស្សនកិច្ចនាថ្ងៃទី ៧ ខែកក្កដា ទ្រង់ត្រូវបានគេរំពឹងថានឹងជួបជាមួយជនចំណាកស្រុក និងប្រជាជនដែលខ្វះខាតផ្សេងទៀត។

ប្រភពដដែលបានបន្តថា ចាប់ពីថ្ងៃទី ២ដល់ ១៣  ខែកញ្ញាសម្តេចប៉ាបគ្រោងនឹងយាងដំណើរ ពាក់កណ្តាលផ្លូវជុំវិញពិភពលោក ទៅកាន់អាស៊ីអាគ្នេយ៍ និងអូសេអានី ជាកន្លែងដែលទ្រង់ នឹងយាងទៅទស្សនៈកិច្ច ប្រទេសឥណ្ឌូនេស៊ី ប៉ាពួញូហ្គីណេ ទីម័រខាងកើត និងសិង្ហបុរី។

នៅចុងខែនេះពោលគឺ ពីថ្ងៃទី ២៦ ដល់ ២៩ សម្តេចប៉ាប នឹងយាងធ្វើទស្សនកិច្ចមួយថ្ងៃទៅប្រទេសលុចសំបួ មុនពេលទៅទស្សនាទីក្រុងចំនួនបីក្នុងប្រទេសបែលហ្សិក ជាកន្លែងដែលទ្រង់នឹងចូលរួមក្នុងការប្រារព្ធខួបលើកទី ៦០០ នៃការបង្កើតសាកលវិទ្យាល័យកាតូលិក Leuven  និង Louvain-la-Neuve៕