បុរីវ៉ាទីកង់ផ្ញើសារជូន​ជនរងគ្រោះ​​​នៅ​ហ្គាតេម៉ាឡា

បន្ទាប់ពីមានរថយន្តក្រុងធ្លាក់ពីលើស្ពានក្នុងប្រទេស ហ្គាតេម៉ាឡា បណ្តាលឲ្យមនុស្សយ៉ាងហោចណាស់ ៥៥ នាក់ស្លាប់ លោក ព្យែត្រូ ផារ៉ូលីន នាយករដ្ឋមន្រ្តីនៃបុរីវ៉ាទីកង់នៅក្នុងនាមសម្តេចសម្តេចប៉ាបបានផ្ញើសាររំលែកទុក្ខមួយ។

នៅក្នុងលិខិតនោះ លោកកាឌីណាល់ បានលើកឡើងថា សម្តេចប៉ាបហ្រ្វង់ស៊ីស្កូបានកំពុងតែអធិស្ឋានសម្រាប់អស់អ្នកដែលបានស្លាប់ និងទូលអង្វរឲ្យព្រះជាម្ចាស់ឲ្យជួយទ្រទ្រង់ដល់អ្នកដែលកំពុងតែសម្រាកព្យាបាលឲ្យឆាប់មានការជាសះស្បើយ។

លោកកាឌីណាល់ បានលើកឡើងថា សម្តេចប៉ាបពិតជា​មាន​ការ​សោកស្ដាយ​ជា​ខ្លាំង​ចំពោះ​គ្រោះថ្នាក់​រថយន្ត​ក្រុង​កាល​ពី​ពេល​ថ្មីៗ​នេះ​ក្នុង​ប្រទេស​ហ្គាតេម៉ាឡា។

ឡានក្រុង​ដែលជួបហេតុការនេះ គឺ​មាន​ផ្ទុកមនុស្ស​ច្រើន ហើយវាកើតហេតុនៅពេលដែលវាកំពុងតែ ​ធ្វើ​ដំណើរ​ចូល​ទៅ​រដ្ឋធានី​របស់​ប្រទេស​នេះ ហើយក៏បានធ្លាក់ចេញពីផ្លូវហាយវេដែលមានកំពស់ ២០ ម៉ែត្រ កាលពីថ្ងៃទី ១០ ខែ​កុម្ភៈ ឆ្នាំ២០២៥។​

ក្រុមអ្នកស៊ើបអង្កេតបាននិយាយថា សាកសពចំនួន ៥៣ នាក់ត្រូវបានកំណត់នៅកន្លែងកើតហេតុ ហើយក្រោយមកខាងមន្ទីរពេទ្យបានអះអាងថា ពីរនាក់ទៀតបានស្លាប់ ហើយក៏នៅសល់អ្នករបួសធ្ងន់ជាច្រើននាក់ថែមទៀត៕