លោកអគ្គអភិបាល ហ្គាព្រីអែល ខាសា (Gabriele Caccia ) អ្នកសង្កេតការណ៍អចិន្ត្រៃយ៍នៃបុរីវ៉ាទីកង់ប្រចាំនៅ អង្គការសហប្រជាជាតិ បានសង្កត់ធ្ងន់លើតម្រូវការក្នុងការប្រយុទ្ធប្រឆាំងនឹងការរើសអើងជាតិសាសន៍តាមអ៊ីនធឺណិត ការរើសអើងប្រឆាំងនឹងជនចំណាកស្រុក និងការមិនអត់ឱនចំពោះសាសនា។
វ៉ាទីកង់កងញូវបានឲ្យដឹងថា លោកបានថ្លែងដូច្នេះកាលពីថ្ងៃព្រហស្បតិ៍ ទី៧ ខែវិច្ឆិកា ក្នុងអំឡុងកិច្ចពិភាក្សាទូទៅនៃគណៈកម្មាធិការលើកទី៣ នៃសម័យប្រជុំលើកទី៧៩ នៃមហាសន្និបាតអង្គការសហប្រជាជាតិ នៅទីក្រុងញូវយ៉ក។
លោកអគ្គអភិបាលបានចាប់ផ្តើមសុន្ទរកថារ ដោយការដកស្រង់ចេញពីសេចក្តីប្រកាសជាសកលស្តីពីសិទ្ធិមនុស្សថា មនុស្សទាំងអស់កើតមកមានសេរីភាព និងស្មើភាពក្នុងសេចក្តីថ្លៃថ្នូរ និងសិទ្ធិ ប៉ុន្តែប្រវត្តិសាស្ត្របានបង្ហាញថាវាត្រូវបានចោទប្រកាន់ឥតឈប់ឈរ។
លោកអគ្គអភិបាលបានបន្តថា ៖ «ការរើសអើងជាតិសាសន៍ជ្រុលងាយ ងាយស្រួលក្នុងការកំណត់អត្តសញ្ញាណ និងថ្កោលទោសយ៉ាងត្រឹមត្រូវ ការប្រកាន់ពូជសាសន៍ជារឿយៗ មានទម្រង់កាន់តែច្បាស់»។
លោកក៏បានគូសបញ្ជាក់អំពីកង្វល់របស់បុរីវ៉ាទីកង់ទាក់ទងនឹងការរើសអើងជាតិសាសន៍ និងការរើសអើងលើអ៊ីនធឺណិត។
លោកបានមានប្រសាសន៍ថា ៖ «ក្នុងការប្រយុទ្ធប្រឆាំងនឹងការវាយប្រហារនេះ ការអប់រំគឺមានសារៈសំខាន់បំផុត ទាំងជាយុទ្ធសាស្ត្រឆ្លើយតប និងជាវិធានការបង្ការរយៈពេលវែង»៕
Daily Program
