នៅអ៊ុយក្រែន ដ្រូនលើដី ជាតួឯកថ្មីនៅលើសមរភូមិ

ដ្រូនបើកបរលើដី ម៉ាលវីណា អឹម (Malvina-M) របស់រុស្ស៊ី និង ដ្រ័រ ធីដឹប៊ឹយូ ១២.៧ (Droid TW 12.7) របស់អ៊ុយក្រែន ត្រូវបានគេហៅយកមកប្រើប្រាស់ក្នុងតួនាទីដែល​កាន់តែមាន​សារ​សំខាន់​ឡើងៗ នៅ​លើសមរភូមិសង្រ្គាមរវាងរុស្ស៊ី និងអ៊ុយក្រែន។

 តើរ៉ូប៊ូតពេជឃាតនានាបានប្រតិបត្តិការលើសមរភូមិអ៊ុយក្រែនហើយឬ? យោងតាមអ្នកលេង​តេឡេក្រាម​​របស់​អ៊ុយក្រែនជាច្រើនកាលពីថ្ងៃទី១៩ ខែមករា បានឲ្យដឹងថា រុស្ស៊ីទើបតែធ្វើ​តេស្តិ៍​យាន​​ដំបូង​​ដែលប្រតិបត្តិការពីទីឆ្ងាយ​ និងដឹកគ្រាប់រំសេវដ៏បំផ្លិចបំផ្លាញមកលើលាន​ដ្ឋាន​រប​ស់​អ៊ុយក្រែន។

នៅក្នុងអត្ថបទមួយ​ដែលផ្សព្វផ្សាយនៅឆ្នាំ២០២២ នៅលើគេហទំព័រ កិច្ចសន្ទនាដើម្បីអំពាវនាវ​ឲ្យ​មានការហាមឃាត់ លោកស្រីម៉ារីយ៉ាន ហានស៊ុន អ្នកឯកទេសអំពីបញ្ហាសព្វាវុធ​នៅ​សកល​វិទ្យាល័យគ្វីនឡេន ប្រទេសអូស្រ្តាលី បានបញ្ជាក់ថា ដ្រូន ម៉ាលវីណា អឹម (Malvina-M) ដែលឈ្មោះដាក់ដោយរុស្ស៊ី សម្រាប់ដ្រូនបើកបរលើដី មានបំពាក់ដោយសព្វាវុធ​ដ៏កំណាច​។ គ្រាប់រំសេវទាំងនេះ ត្រូវបានហៅថាជាគ្រាប់បែកសំពាធ និងកម្តៅ ដែលមានការបំផ្លិច​បំផ្លាញ​ខ្ពស់​ខ្លាំងក្លា ដោយសារតែពួកវានឹងបង្កើតគ្រាប់បាល់ភ្លើង​បន្ទាប់មកក៏​ស្រូប​​យ​កឧក​ស៊ីហ្សែន និងជះរលកនៃការសម្លាប់។

លោកអាឡិចហ្សង់ វ៉ូត្រាវវើ អ្នកឯកទេសនៃបញ្ហាសព្វាវុធ និងជានិពន្ធនាយកនៃព្រឹត្តិបត្រ​យោធា​​រុស្ស៊ី បានបញ្ជាក់ថា  ៖​ “រុស្ស៊ីប្រើប្រាស់ជាសំខាន់នូវអាវុធ​សំពាធកម្តៅ​ប្រឆាំងនឹង​លានដ្ឋាន​​ត្រង់សេ ដែលពង្រឹង​នៅក្នុង​តំបន់ទីក្រុង ឬប្រឆាំងនឹងត្រង់សេ ឬបន្ទាយនៅរឹងម៉ាំ​នៅ​​តំបន់​ជនបទ។” ការផ្ទុះរបស់វា ពិតជាមានថាមពលខ្លាំងជាង និងមានប្រសិទ្ធភាព​ជាង​ប្រឆាំង​នឹង​បន្ទាយលានដ្ឋាន ជាង​គ្រាប់​រំសេវ​តាមធម្មតាជាប្រពៃណី។ ប៉ុន្តែដ្រូនរុស្ស៊ីមាន​បញ្ហា​មួយ។ វា​ដឹក​នាំ​អាវុធនៅ​លើ​ខ្លួន​វាធ្ងន់។ វាចលនាយឺត និងធំ ទទើសទទែង ដែលក្លាយជា​គោលដៅ​​ដ៏មាន​អាទិភាព​សម្រាប់ប្រព័ន្ធការពារអ៊ុយក្រែនវាយប្រហារ។

លោកអាឡិចហ្សង់ វ៉ូត្រាវវើ វាយ​តម្លៃថា​ ៖ “លទ្ធភាព​​នៃការបាញ់គ្រាប់ដោយលាក់បាំង​ចេញពី​យាន​ប្រតិបត្តិការ​​​ពីចម្ងាយ អាចត្រូវបាន​ចាត់​ទុក​ជាសារប្រយោជន៍​មួយ ដោយសារវា​មិន​ធ្វើ​ឲ្យ​ទាហានប្រើប្រាស់វាមានការភ័យខ្លាច។”

ចំណែកអ៊ុយក្រែនក៏មិននៅក្រោយដែរសម្រាប់ដ្រូនលើដី។ កាលពីខែធ្នូ ឆ្នាំ២០២៥ មួយ​ក្នុង​ចំណោម​ពីរនៃដ្រូនបើកបរលើដី​បានក្លាយជាប្រភេទនៃវរជនសង្រ្គាម។ ប្រព័ន្ធផ្សព្វផ្សាយ​អ៊ុយក្រែន​បាន​គូសរូបភាពវីរភាពដ្រូន ដ្រ័រ ធីដឹប៊ឹយូ ១២.៧ (Droid TW 12.7)។ សមិទ្ធផល​របស់​វា គឺភាព​ជោគជ័យ ដោយមានជំនួយពីអ្នកប្រតិបត្តិដ្រូននេះពីទីចម្ងាយ គឺអាចធ្វើឲ្យ​ទាហាន​អ៊ុយក្រែន​​វាយ​​រុញច្រានការវាយប្រហាររបស់សត្រូវក្នុងអំឡុង ៤៥ថ្ងៃ នៅលើសមរភូមិ​ក្នុង​តំប​ន់មួយ។ ប៉ុន្មាន​សប្តាហ៍ក្រោយមក ដ្រូនមួយទៀត​ធ្វើដំណើរប្រើប្រាស់កង់ បាន​ជោគជ័យលើការ​ដឹក​ជញ្ជូន​គ្រាប់​រំសេវ និងសម្ភារៈផ្គត់់ផ្គង់ ជាង ៣០០ គក ឲ្យដល់កងទ័ពនៅ​លើ​សមរភូមិមុខ នៅកំពុង​មាន​ការ​ទម្លាក់គ្រាប់បែកដ៏សម្បើមរបស់រុស្ស៊ីក៏ដោយ។ ដ្រូន រ៉េវលីក (Ravlyk) មានន័យថា ខ្យង ជា​ភាសាអ៊ុយក្រែន ផ្តល់ឲ្យដ្រូននេះ បានក្លាយជា​រ៉ូប៊ូត ដែល​រុស្ស៊ីមិនអាចបំផ្លាញបាន។

លោកវីល ឃីងស្តុន ខុក អ្នកឯកទេសរុស្ស៊ី នៅក្រុមអន្តរជាតិសម្រាប់ការសិក្សាសន្តិសុខ (ITSS) វឺរ៉ូណា អ៊ីតាលី បានវាយតម្លៃថា ៖ “ឧទាហរណ៍ទាំងនេះបង្ហាញអំពីការកើនឡើងនូវ​ការ​ប្រើប្រាស់​យានប្រយុទ្ធបញ្ជាពីចម្ងាយនៅមួយរយៈពេលចុងក្រោយនេះ​ដោយទាំងរុស្ស៊ី និង​អ៊ុយក្រែន។