នាយករដ្ឋមន្រ្តីសន្តអាសនៈបំពេញទស្សនកិច្ចរយៈពេលខ្លីនៅប៉ារីស

វ៉ាទីកង់ញូវបានរាយការណ៍ថា លោកកាឌីណាល់ ព្យែត្រូ ផារ៉ូលីន ( Pietro Parolin) នាយករដ្ឋមន្រ្តីនៃសន្តអាសនៈបានអញ្ជើញបំពេញទស្សនកិច្ចរយៈពេលខ្លីនៅទីក្រុងប៉ារីស។

ប្រភពដដែលបានរាយការណ៍ថា ដំណើរទស្សនកិច្ចនេះបានធ្វើឡើងនៅថ្ងៃទី ១៥ ខែមករា ឆ្នាំ២០២៥ ក្រោមការរៀបចំដោយក្រសួងការបរទេសរបស់បារាំង។ នៅក្នុងដំណើរបំពេញទស្សនកិច្ចនេះ លោកក៏បានជួបពិភាក្សាជាមួយនឹងលោក ហ្រ្វង់ស័រ បេរូ ( François Bayrou ) នាយករដ្ឋមន្ត្រីបារាំងនិងសមាជិកជាន់ខ្ពស់រដ្ឋាភិបាលផ្សេងទៀត។

ដំណើរទស្សនកិច្ចនេះ ដើម្បីរំលឹកនូវចំណងទំនាក់ទំនងរវាងបារាំងនិងសន្តអាសនៈដែលបានធ្វើឡើងតាំងពីឆ្នាំ១៩២៤ តាមរយៈកិច្ចព្រមព្រៀងដ៏សំខាន់មួយដែលបានដាក់ចេញនូវក្របខ័ណ្ឌច្បាប់សម្រាប់ការបង្កើតគណៈគ្រប់គ្រងក្រុមលោកអភិបាលព្រះសហគមន៍កាតូលិក​នៅក្នុងប្រទេសបារាំង។

ប្រភពដដែលបានបន្តថា នៅក្នុងដំណើទស្សនកិច្ចនេះ លោកកាឌីណាល់ និង សមភាគីបារាំងបានពិភាក្សគ្នាលើបញ្ហាមួយចំនួន ហើយលោកកាឌីណាល់ក៏បានជួបសាវនាការដោយមន្រ្តីជាន់ខ្ពស់បារាំង ជាច្រើនរូទៀតដោយរួមទាំងរដ្ឋមន្រ្តីមហាផ្ទៃ ដែលទទួលបន្ទុកកិច្ចការសាសនាផងដែរ៕