នាយករដ្ឋមន្រ្តីនៅរដ្ឋមេហ្គាឡាយ៉ា អំពាវនាវឱ្យមានសន្តិភាពក្រោយផ្ទុះភាពចលាចលនៅក្នុងរដ្ឋ

នាយករដ្ឋមន្ត្រីជាគ្រីស្តបរិស័ទកាតូលិកតែម្នាក់គត់របស់រដ្ឋមួយនៅក្នុងប្រទេសឥណ្ឌា គឺលោក ខុនរ៉ាដ សាងម៉ា ( Conrad K. Sangma) បានអំពាវនាវឲ្យមានសន្តិភាព​នៅក្នុងរដ្ឋក្រោយផ្ទុះរឿងចលាចលមួយកាលពីពេលថ្មីៗនេះ។

លោក បានបញ្ជាក់ជាថ្មីនូវជំនឿយ៉ាងជ្រាលជ្រៅរបស់លោកលើព្រះជាម្ចាស់ ខណៈដែលលោកខិតខំស្តារសន្តិភាពឡើងវិញ បន្ទាប់ពីផ្ទុះអំពើហិង្សាថ្មីៗនេះនៅក្នុងរដ្ឋភាគឦសាននៃប្រទេសឥណ្ឌាមួយនេះ។

លោក បាននិយាយ ខណៈពេលឆ្លើយតបទៅនឹងការគំរាមកំហែងពីអ្នកតវ៉ាម្នាក់ ដែលបានព្រមានថានឹង ដុតផ្ទះរបស់លោកថា ជីវិតរបស់លោកមិនមែនស្ថិតនៅក្នុងដៃរបស់អ្នកដទៃទេ ប៉ុន្តែស្ថិតនៅក្នុងដៃរបស់ព្រះជាម្ចាស់។

លោកបានបន្ថែមថា លោកដាក់ទំនុកចិត្តយ៉ាងមុតមាំលើព្រះ ដោយនិយាយថា ដៃរបស់លោកស្ថិតនៅក្នុងដៃរបស់ព្រះ។

លោក ជាអ្នកដឹកនាំរដ្ឋ ដែលមានព្រំប្រទល់ជាប់នឹងប្រទេសបង់ក្លាដែស បាននិយាយថា ជំនឿរបស់លោកណែនាំសេវាសាធារណៈ និងការប្តេជ្ញាចិត្តរបស់លោកចំពោះសុខុមាលភាពរបស់ប្រជាជន។

លោកបានមានប្រសាសន៍ថា លោកសូមអំពាវនាវដល់មនុស្សគ្រប់គ្នាឱ្យរក្សាសន្តិភាព និងការអត់ធ្មត់ ដោយជំរុញឱ្យសាធារណជនជៀសវាងអំពើហិង្សា ហើយជំនួសមកវិញនូវដំណោះស្រាយដោយសន្តិភាព សូមស្វែងរកដំណោះស្រាយតាមរយៈការសន្ទនា និងការចូលរួមតាមបែបប្រជាធិបតេយ្យ។

ការអំពាវនាវឱ្យមានសន្តិភាពនេះកើតឡើងបន្ទាប់ពីមនុស្សពីរនាក់ត្រូវបានសម្លាប់នៅក្នុងអំពើហិង្សាទាក់ទងនឹងការបោះឆ្នោតនៅ តំបន់ West Garo Hills នៅថ្ងៃទី ១០ ខែមីនា ឆ្នាំ ២០២៦កន្លងទៅថ្មីៗ៕