តើសម្តេចប៉ាបផ្តាំផ្ញើអ្វីខ្លះដល់អស់លោកកាឌីណាល់ដែលជ្រើសតាំងថ្មី?

នៅមុនពេលដែលលោកកាឌីណាល់២១រូបនឹងទទួលការតែងតាំងជាផ្លូវការនៅខែធ្នូ ឆ្នាំ២០២៤ខាងមុខនេះ សម្តេចប៉ាបហ្រ្វង់ស៊ីស្កូក៏បានចេញនូវសារលិខិតមួយ ទៅក្រុមលោកកាឌីណាល់ថ្មី ដោយបង្ហាញអំពី គោលបំណងឯកភាពនៃព្រះសហគមន៍ ។​

សម្តេចប៉ាបបានសង្កត់ធ្ងន់ដល់អោយលោកកាឌីណាល់ថ្មីទាំងអស់ឲ្យយកចិត្តទុកដាក់នឹងកិច្ចការបម្រើ ព្រះសហគមន៍ជាជាង​បង្ហាញអំពីភាពលេចធ្លោរឫឧត្តមភាព ។

នៅក្នុងលិខិតនោះសម្តេចប៉ាបបានលើកទឹកចិត្តឲ្យអស់លោកកាឌីណាល់ថ្មីលើកកំពស់កម្មវិធីអធិស្ឋាននិងអនុវត្តពិធីនេះឲ្យបានញឹកញាប់ដើម្បីលើកកំពស់ការពង្រឹងជំនឿ ការស្គាល់ពីគ្រិស្តបរិស័ទ និង ដឹងអំពីទុក្ខលំបាកនានានៅក្នុងព្រះសហគមន៍ ។

សម្តេចប៉ាបបានជំរុញឲ្យស្នើឲ្យអស់លោកកាឌីណាល់ថ្មី យកចិត្តទុកដាក់ការអប់រំជំនឿ និងពង្រីកបេះដូងនៃក្តីស្រលាញ់ ដើម្បីមើលឃើញឱ្យឆ្ងាយ និងស្រឡាញ់កាន់តែទូលំទូលាយ និងដោយក្តីស្រឡាញ់កាន់តែខ្លាំងចំពោះគ្រិស្តបរិស័ទដែលជាប្រជារាស្រ្តរបស់ព្រះជាម្ចាស់ ។

សម្តេចប៉ាបក៏បានមានបន្ទូលផងដែរថា ការអធិដ្ឋាននិងត្រិះរិះអំពីគ្រិស្តបរិស័ទ ការអប់រំជំនឿ ការប្រ​កាស ដំណឹងល្អ គឺសុទ្ធតែជាកាតព្វកិច្ចរបស់អស់លោកកាឌីណាល់ថ្មីដែលនឹងចូលកាន់ភារកិច្ចនិងតួនាទី នៅខែធ្នូខាងមុខ៕