ជំនឿ និងស្ថាបត្យកម្មជួបគ្នានៅព្រះវិហារទើបសម្ពោធថ្មីនៅប្រទេសឥណ្ឌូនេស៊ី

ព្រះវិហារកាតូលិកក្នុងប្រទេសឥណ្ឌូនេស៊ីថ្មីមួយកន្លែងបានសម្ពោធកាលពីចុងឆ្នាំ២០២៤កន្លងទៅ ដោយព្រះវិហារនោះត្រូវបានគេលើកឡើងថា ជាចំណុចប្រសព្វនៃជំនឿនិងស្ថាបត្យកម្មរបស់ព្រះសហគមន៍កាតូលិក ។

វ៉ាទីកង់ញូវបានរាយការណ៍ថា ព្រះវិហារថ្មីនេះ គឺព្រះវិហារ សាន់តា ហ្វាមីលៀ (Sancta Familia) ដែលមានទីតាំង នៅ ទីក្រុង តូរ៉ាចា (Toraja )ភាគខាងត្បូងខេត្ត ស៊ូឡាវេស៊ី ( Sulawesi) ដោយព្រះវិហារនេះមានលក្ខណៈពិសេសរួមបញ្ចូលគ្នាជាមួយទេសភាពធម្មជាតិ។

លោក ម៉ាយឃើល អាន់ឌីន (Michael Andin )នាយកប្រតិបត្តិនៃមជ្ឈមណ្ឌលធម្មយាត្រាគ្រួសារបរិសុទ្ធនៅ សាប៉ាក បាយូបាយូ ( Sapak Bayobayo )បានប្រាប់ LiCAS News នៅក្រៅពិធីបូជាកាលពី ចុងឆ្នាំ ២០២៤ ថា  នេះគឺជាស្ថាបត្យកម្មដែលរំលិចអំពីទុក្ខលំបាករបស់ព្រះយេស៊ូ ។

ដោយឡែក លោក ជូលីយូស ជូនណូស ទេចា (Julius Junus Tedja) បាន​ចាត់​ទុកសំណង់ព្រះវិហានេះថា ស្មារតីដ៏វិសុទ្ធដែលឆ្លុះបញ្ចាំងពីជំនឿរបស់គ្រីស្តបរិស័ទចំពោះសក្ខីកម្មនៃព្រះយេស៊ូ ។

ដោយឡែកគ្រីស្តបរិស័ទនានា នៅក្នុងប្រទេសឥណ្ឌូនេស៊ី ក៏បានថ្លែងនូវអំណរសប្បាយដែល ព្រះសហគមន៍បានកសាងនូវព្រះវិហារថ្មីនេះឡើយ ។

ពួកគេបានលើកឡើងថា នេះគឺជាឱកាសពិសេសមួយសម្រាប់គ្រីស្តបរិស័ទក្នុងការធ្វើជាសាក្សីក្នុងព្រឹត្តិការណ៍ខាងវិញ្ញាណ និងសហគមន៍បែបនេះនៅក្នុង ទីក្រុង​តូរ៉ាចា ។

ឥណ្ឌូនេស៊ី គឺជាប្រទេសមួយដែលមានប្រជាជនភាគច្រើនកាន់សាសនាអ៊ីស្លាម ប៉ុន្តែទោះបីជាយ៉ាងណាក៏ ដោយក៏មានគ្រីស្តបរិស័ទ ជាពិសេសគឺកាតូលិកមួយភាគតូចផងដែរ៕