ពលរដ្ឋជប៉ុនរាប់លាននាក់កំពុងត្រូវបានជម្លៀសចេញពីតំបន់ដែលជាមុខព្រួញនៃការបោកបកដោយព្យុះសាន់សាន់ ។
វ៉ាទីកង់ញូវបានរាយការណ៍ថា ព្យុះទីហ្វុង ដ៏អាក្រក់បំផុតដែលមិនធ្លាប់កើតមាននេះ បានបោកបក់មកកាន់តំបន់គីយូស៊ុក ដោយបានឆក់យកជីវិតមនុស្ស បង្កររងរបួសជាច្រើននាក់ និងរំខានដល់ចរាចរណ៍ផ្លូវអាកាស។
គ្រោះធម្មជាតិនេះបានកើតមានឡើងតែប៉ុន្មានថ្ងៃមុន ដំណើរទស្សនៈកិច្ចរបស់សម្តេចប៉ាប មកកាន់អាស៊ី និងអូសេអានី ។
តាមសេចក្តីរាយការណ៍ពលរដ្ឋជប៉ុនដែលបានជម្លៀសចេញទៅកន្លែងសុវត្ថិភាពមានចំនួនរហូតដល់ទៅ ៥,២ នាក់។
កាលពីថ្ងៃព្រហស្បតិ៍ទី២៩ ខែសីហា ឆ្នាំ២០២៤ ខ្យល់បក់ និងភ្លៀងធ្លាក់ខ្លាំងបានផ្តាច់ចរន្តអគ្គិសនី ដែលបង្ខំឱ្យរោងចក្រធំៗបិទ និងរំខានចរាចរណ៍ផ្លូវអាកាស ហើយរហូតមកដល់ពេលនេះ មនុស្សយ៉ាងហោចណាស់បីនាក់បានស្លាប់ និងរាប់សិបនាក់រងរបួស។
ក្រុមហ៊ុនផលិតរថយន្តធំៗជាច្រើនបានផ្អាកប្រតិបត្តិការនៅក្នុងរោងចក្រក្នុងស្រុកទាំងអស់របស់ខ្លួនដោយសារតែព្យុះ ហើយរោងចក្រផ្សេងទៀតបានផ្អាកការផលិតជាបណ្តោះអាសន្ន។
ប្រសិនបើព្យុះនេះមិនបានថមថយឥទ្ធិពលរបស់វាទេនោះ វានឹងអាចបន្តបោកបក់ដល់តំបន់ភាគកណ្តាលជប៉ុន និងខាងកើត ដោយរួមទាំងរដ្ឋធានីតូក្យផងដែរ ។
Daily Program
