លោកបណ្ឌិត វេនកាត្រាម៉ាន រ៉ាម៉ាគ្រីស្នាន់ (Venkatraman Ramakrishnan) អ្នកឈ្នះពានរង្វាន់ណូបែលសន្តិភាពផ្នែកគីមីវិទ្យាកាលពីឆ្នាំ ២០០៩ បានចែករំលែកវិធីដ៏សាមញ្ញនូវវិថីឈានទៅរកអាយុវែង។
លោកបណ្ឌិតបានប្រាប់វ៉ាទីកង់ញូវនៅពេលដែលបានបង្ហាញវត្តមាននៅក្នុងកម្មវិធីមួយដែលរៀបចំដោយ សន្តអាសនៈកាលពីថ្ងៃទី២៤ ខែមីនា ឆ្នាំ២០២៥ថា វិធីសាស្រ្តគឺងាយៗទេ។
នៅក្នុងពេលជាមួយគ្នានោះលោកក៏បានព្រមានមនុស្សជាតិថា សម័យនេះមនុស្សជាច្រើនគឺកំពុង ស្ថិតនៅផ្លូវបំបែកនៃជីវភាពរស់នៅប្រកបដោយសុខភាពល្អនិងអាយុវែងជាមួយនឹងបញ្ហានានា។
លោកបានលើកឡើងថា អ្នកវិទ្យាសាស្រ្តបានបោះជំហានយ៉ាងលឿនឆ្ពោះទៅរកការយល់ដឹងពីមូលហេតុនៃភាពចាស់ជរា ហើយក៏កំពុងតែខិតខំ ទប់ទល់នឹងភាពចាស់ដោយខ្លួនឯង ខុសពីការខិតខំដោះស្រាយជំងឺជាក់លាក់។
លោកបានលើកឡើងថា អាយុវែងជាបំណងដ៏លោភលន់របស់មនុស្សជាតិ ប៉ុន្តែប្រសិនបើមនុស្សចង់បានអាយុវែងគឺគួរតែយកចិត្តទុកដាក់លើកម្រិតរបបអាហារ និងមានសុខភាពឲ្យល្អ ហាត់ប្រាណឲ្យបានទៀងទាត់ និងការគេងឱ្យបានគ្រប់គ្រាន់។
លោកបានបន្តទៀតថា វិធីសាស្រ្តទាំងនេះវា ប្រសើរជាងអ្វីទាំងអស់ដែលមាននៅលើទីផ្សារនាពេលបច្ចុប្បន្ននេះ ទាក់ទងនឹងអាហារបំប៉ន ឬថ្នាំជំនួយសុខភាព ប៉ុន្តែចំណុចមួយដែលមិនគួរបំភ្លេចនោះ គឺសូមជៀសវាងឲ្យបានពីភាពឯកោក្នុងសង្គម ពីព្រោះការសិក្សាបានបង្ហាញថា ទំនាក់ទំនង អាចធ្វើឱ្យប្រសើរឡើងនូវអត្រាមរណៈ និងសុខភាពមនុស្សក្នុងវ័យចាស់៕
Daily Program
