.ខែកុម្ភៈសម្តេចប៉ាបផ្តោតការអធិដ្ឋានសម្រាប់ជំងឺដែលនាំឲ្យសុខភាពមនុស្សទ្រុឌទ្រោម

កម្មវិធីអប់រំជំនឿនិងអធិដ្ឋានសម្រាប់ខែកុម្ភៈឆ្នាំ២០២៤ របស់សម្តេចប៉ាបហ្រ្វង់ស៊ីស្កូត្រូវបានផ្សព្វផ្សាយ ។

វ៉ាទីកង់ញូវបានរាយការណ៍ថា កម្មវិធីអធិដ្ឋាននិងអប់រំជំនឿដែលសម្តេចប៉ាបនឹងយកចិត្តទុកដាក់សម្រាប់ខែកុម្ភៈនេះគឺផ្តោតនៅលើជំងឺដែលមិនមានថ្នាំព្យាបាល​ហើយបានធ្វើឲ្យសុខភាពកាន់តែទ្រុឌទ្រោមទៅរហូតដល់អស់ជីវិត ដូចជាជំងឺមហារីក និង ជំងឺខ្សោយសរីរាង្គ ជាដើម ។​

ប្រភពដដែលបានបន្តថា សម្តេចប៉ាបបានកំណត់គោលដៅអធិដ្ឋាននៅក្នុងខែកុម្ភៈបែប នេះគឺដោយសារតែថ្ងៃទី១១ ខែកុម្ភៈ  គឺជាថ្ងៃដែលពិភពលោកនិងព្រះសហគមន៍កាតូលិករៀបចំទិវាអ្នកជំងឺពិភពលោក។

នៅក្នុងឱកាសនោះដែរ សម្តេចប៉ាបក៏មានមានបន្ទូលពាក់ព័ន្ធនឹងពាក្យពីរដែលកំពុងតែបង្ករអោយមានការច្រឡំ ពោលគឺ ជំងឺដែលមិនអាចព្យាបាលបាន និង អ្នកជំងឺដែលគេមិនព្យាបាល​។​