ក្រុមហាម៉ាសដោះលែងចំណាប់ខ្មាំងជនជាតិអាមេរិកដែលនៅរស់ចុងក្រោយ

អេដេន អាឡិចហ្សេនឌ័ (Edan Alexander) អាយុ ២១ ឆ្នាំត្រូវបានគេកំណត់ថានឹងត្រូវបានដោះលែងបន្ទាប់ពីរស់នៅ ក្នុងនាមជាចំណាប់ខ្មាំងរហូតដល់៥៨៣ថ្ងៃ។​

បុរសវ័យក្មេងរូបនេះ ជាចំណាប់ខ្មាំងម្នាក់ក្នុងចំណោមចំណាប់ខ្មាំង ៥៩ នាក់ដែលនៅតែត្រូវបានឃុំខ្លួននៅហ្គាហ្សា ហើយត្រូវបានដោះលែងនៅថ្ងៃទី ១២ ខែឧសភា។

វ៉ាទីកង់ញូវបានរាយការណ៍ថា ក្រុមហាម៉ាស់បានប្រកាសថា ការដោះលែងនេះ​គឺជាជំហានមួយឆ្ពោះទៅរកកិច្ចព្រមព្រៀងបទឈប់បាញ់  ដែលជាជំហាន នឹងរួមបញ្ចូលការបើកច្រកឆ្លងកាត់ចូលទៅក្នុងហ្គាហ្សា និងការបើកជំនួយមនុស្សធម៌ចូលទៅក្នុងតំបន់ដែលកំពុងឡោមព័ទ្ធ បន្ទាប់ពីការរារាំងរបស់អ៊ីស្រាអែលដែលមានរយៈពេល ៧០​ថ្ងៃមកហើយ។

អ្នកនយោបាយប៉ាឡេស្ទីន ខាលីន អាល ហៃយ៉ា ( Khalil Al-Hayya) បានពណ៌នាជំហាននេះថាជាការបញ្ជាក់អំពី "ការត្រៀមខ្លួនជាស្រេចដើម្បីចាប់ផ្តើមការចរចាដ៏ខ្លាំងក្លាភ្លាមៗ និងខិតខំប្រឹងប្រែងយ៉ាងម៉ឺងម៉ាត់ដើម្បីឈានដល់កិច្ចព្រមព្រៀងចុងក្រោយដើម្បីបញ្ឈប់សង្គ្រាម"។

ការិយាល័យនាយករដ្ឋមន្ត្រីអ៊ីស្រាអែល បាននិយាយថា ខ្លួនមិនបានប្តេជ្ញាចិត្តចំពោះបទឈប់បាញ់ណាមួយឡើយ ប៉ុន្តែគ្រាន់តែជាការអនុម័តប្រកបដោយសុវត្ថិភាព ដើម្បីដោះលែងចំណាប់ខ្មាំងជនជាតិអាមេរិកដែលរស់នៅចុងក្រោយដែលគេស្គាល់។

មន្ត្រីជាន់ខ្ពស់ក្រុមហាម៉ាស់បានរាយការណ៍ថាក្រុមប្រដាប់អាវុធប៉ាឡេស្ទីនកំពុងធ្វើការចរចាដោយផ្ទាល់ជាមួយមន្ត្រីរដ្ឋបាលអាមេរិកក្នុងប្រទេសកាតា ហើយថាការដោះលែងលោក អាឡិចសាន់ឌឺ គឺមានន័យថាជាកាយវិការសុច្ឆន្ទៈនៅមុនពេលដំណើរទស្សនកិច្ចរបស់ប្រធានាធិបតីអាមេរិកទៅកាន់មជ្ឈិមបូព៌ានៅថ្ងៃអង្គារទី ១៣ ខែឧសភា៕