ក្រុមលោកអភិបាលព្រះសហគមន៍នៅប្រទេសកំពុងអភិវឌ្ឈន៍អំពាវនាវឲ្យមានសន្ធិសញ្ញាលើប្រេងឥន្ធនៈហ្វូស៊ីល
ក្រុមលោកអភិបាលនៃព្រះសហគមន៍កាតូលិកនៅបណ្តាប្រទេសដែលកំពុងតែអភិវឌ្ឈន៍ បានចេញសេចក្តីអំពាវនាវមួយឲ្យពិភពលោកមាន សន្ធិសញ្ញាសកលមួយដើម្បីបញ្ឈប់ការប្រើប្រាស់ប្រេងឥន្ធនៈហ្វូស៊ីលជាបណ្តើរៗ ដោយព្រមានថា ការពឹងផ្អែកជាបន្តលើធ្យូងថ្ម ប្រេង និងឧស្ម័នធម្មជាតិវាកំពុងគំរាមកំហែងដល់ភពផែនដី និងសហគមន៍ក្រីក្របំផុតនៅលើលោកនេះ។
ការអំពាវនាវនេះត្រូវបានធ្វើឡើងនៅក្នុងសេចក្តីថ្លែងការណ៍មួយដែលមានចំណងជើងថា “ឆ្ពោះទៅរកសន្តិភាពជាមួយស្នាព្រះហស្ត៖ ការអំពាវនាវជាបន្ទាន់សម្រាប់ការផ្លាស់ប្តូរដ៏យុត្តិធម៌លើប្រេងឥន្ធនៈហ្វូស៊ីល” ដែលបានចេញកាលពី ថ្ងៃទី ១៦ ខែមីនា ដោយក្រុមលោកអភិបាលនៃព្រះសហគមន៍កាតូលិកនៅក្នុងបណ្តាប្រទេសកំពុងអភិវឌ្ឈន៍មកពីទ្វីបអាហ្វ្រិក អាស៊ី និងអាមេរិកឡាទីន អឺរ៉ុប និងអូសេអានី។
ឯកសារនេះជំរុញឲ្យរដ្ឋាភិបាលនានានៅទូទាំងពិភពលោកអនុម័តសន្ធិសញ្ញាមិនរីកសាយភាយប្រេងឥន្ធនៈហ្វូស៊ីល ដើម្បីបញ្ឈប់ការពង្រីកការផលិតប្រេងឥន្ធនៈហ្វូស៊ីល និងណែនាំការផ្លាស់ប្តូរដ៏យុត្តិធម៌ឆ្ពោះទៅរកថាមពលកកើតឡើងវិញ។
ក្រុមលោកអភិបាលបាននិយាយថា “យើងតម្លើងសំឡេងរបស់យើងនៅពេលដ៏សំខាន់នេះក្នុងប្រវត្តិសាស្ត្រ” ដោយព្រមានថា ពិភពលោកកំពុងខិតជិតដល់ ចំណុចបែកបាក់ ខណៈដែលការប្រែប្រួលអាកាសធាតុកើនឡើងលឿននិងកាន់តែធ្ងន់ធ្ងរ៕
Daily Program
