កាលវិភាគទស្សនកិច្ចរបស់សម្តេចប៉ាបនៅទីក្រុងទ្រីស

វ៉ាទីកង់ញូវបានរាយការណ៍ថា ការិយាល័យព័ត៌មានសន្តអាសនៈបានប្រកាសចេញហើយនៅកម្មវិធីនៃដំណើរទស្សនៈកិច្ចរបស់សម្តេចប៉ាបហ្រ្វង់ស៊ីស្កូ នៅទីក្រុងទ្រីស (Trieste)​ ប្រទេសអ៊ីតាលី ។​

ទីក្រុង ទ្រីស ជាទីក្រុងមួយស្ថិតនៅភាគខាងជើងនៃប្រទេសអ៊ីតាលី ហើយសម្តេចប៉ាបនឹងយាងទស្សនកិច្ចនៅទីនោះ នៅថ្ងៃទី៧ ខែកក្កដា ខាងមុខ ។

ប្រភពដដែលបានរាយការណ៍ថា ដំណើរទស្សនៈកិច្ចនៅទីក្រុងនោះគឺជាដំណើរទស្សនកិច្ចលើ​កទី៥០ នៅក្នុងដំណើនៅអ៊ីតាលីនៅក្នុងនាមជាអភិបាលនៃព្រះសហគមន៍កាតូលិកនៅទីក្រុងរ៉ុម។​

ដំណើរទស្សនកិច្ចនេះគឺបានធ្វើឡើងបន្ទាប់ពីទ្រង់ នឹងធ្វើទស្សនកិច្ច ទីក្រុង វ័នីស (Venice)និង វីរ៉ូណា (Verona ) និងដំណើរយាងចូលរួមថ្លែងបទអន្តរាគមន៍នៅក្នុងជំនួបកំពូលនៃក្រុមប្រទេស G7  នៅសប្តាហ៍ក្រោយ ។

យោងតាមកម្មវិធី សម្តេចប៉ាប នឹងចេញដំណើរតាមឧទ្ធម្ភាគចក្រ នៅម៉ោង​៦និង៣០នាទី ហើយនឹងចុះចតនៅទីក្រុង ទ្រីសនៅម៉ោង ៨ ព្រឹក មុនពេលជួបជាមួយអ្នកចូលរួមសមាជនៅម៉ោង ៨ និង ៣០ នៅមជ្ឈមណ្ឌលសន្និបាត Generali ។

នៅក្នុងដំណើរនោះសម្តេចប៉ាបគ្រោងនិងជួបជាមួយនឹងតំណាងព្រះសហគមន៍កាតូលិកនានា អ្នកសិក្សា អ្នកធ្វើចំណាកស្រុក និងជនពិការ។

ដំណើរទស្សនៈកិច្ចនោះ នឹងបញ្ចប់នៅម៉ោង ១២ និង ៣០ នាទី ហើយគ្រោងនឹងទៅដល់បុរីវ៉ាទីកង់វិញនៅ ម៉ោងប្រហែល ២ រសៀល៕