តាមស្មារតីនៃការចរចារកាលពីលើកមុន នៅពេលនេះកងកម្លាំងអ៊ីស្រាអែលបានកំពុងដកខ្លួនចេញពីច្រករបៀង ណេហ្សារីម (Netzarim) ដែលជាផ្លូវហាយវេដ៏សំខាន់នៅក្នុងតំបន់ហ្គាហ្សា។
វ៉ាទីកង់ញូវបានរាយការណ៍ថា ការអនុវត្តតាមលទ្ធផលនៃកិច្ចចរចារសន្តិភាពនេះ ដែលជាផ្នែកនៃកិច្ចព្រមព្រៀងបទឈប់បាញ់ដែលកំពុងបន្តរវាងហាម៉ាស់និងអ៊ីស្រាអែល។
ការអនុវត្តបទឈប់បាញ់នៅហ្គាហ្សាមកដល់ត្រឹមថ្ងៃទី០៨ ខែកុម្ភៈ ឃើញថា មានភាពប្រសើរ ក្រៅពីនោះក៏មានការដោះលែងចំណាប់ខ្មាំងទាំងអ៊ីស្រាអែល ប៉ាឡេស្ទីន និងបរទេសដោយរួមទាំងជនជាតិថៃផងដែរ។
ដើម្បីបន្តដំណើរសន្តិភាពបន្ថែមទៀត ក្រុមអ្នកចរចារបស់ភាគីពាក់ព័ន្ធបានកំពុងធ្វើដំណើរទៅប្រទេសកាតាដើម្បីពិភាក្សាបន្ថែមទៀត។
អ៊ីស្រាអែលនិយាយថា ការអនុវត្តកិច្ចព្រមព្រៀងសន្តិភាពដំណាក់កាលទី២នៅតែមានបញ្ហា ដែលទាមទារការពិភាក្សាជម្រះមន្ទិលបន្ថែម ស្របពេលដែលអ៊ីស្រាអែលបាននិយាយថា ស្ថានភាពសុខភាពរបស់ចំណាប់ខ្មាំង ដែលហាម៉ាស់ចាប់ទៅ គឺមានសភាពទ្រុឌទ្រោម ដូចជាកង្វះអាហារូបត្ថម្ភ ខ្សោយសាច់ដុំ ដាច់សរសៃឈាម ពិការបេះដូង រលាករ៉ាំរ៉ៃ និងបញ្ហាផ្លូវចិត្ត៕
Daily Program
