ការីតាសបង់ក្លាដែសប្រារព្ធទិវាទិវា​អធិស្ឋាននិងការយល់ដឹងប្រឆាំងនឹងការជួញដូរមនុស្សអន្តរជាតិ

ការីតាសបង់ក្លាដែសបានប្រារព្ធទិវា​អធិស្ឋាននិងការយល់ដឹងប្រឆាំងនឹងការជួញដូរមនុស្សអន្តរជាតិ នៅការិយាល័យកណ្តាលរបស់ខ្លួននៅទីក្រុងដាកានៅថ្ងៃទី ៨ ខែកុម្ភៈ ដោយបញ្ជាក់ជាថ្មីនូវការប្តេជ្ញាចិត្តរបស់ខ្លួនក្នុងការការពារសេចក្តីថ្លៃថ្នូររបស់មនុស្ស និងប្រយុទ្ធប្រឆាំងនឹងការកេងប្រវ័ញ្ចគ្រប់ទម្រង់។

ការប្រារព្ធពិធីនេះត្រូវបានធ្វើឡើងក្រោមប្រធានបទសកល គឺ "សន្តិភាពចាប់ផ្តើមដោយសេចក្តីថ្លៃថ្នូរ៖ ការអំពាវនាវជាសកលដើម្បីបញ្ចប់ការជួញដូរមនុស្ស"។ កម្មវិធីនេះបានចាប់ផ្តើមជាមួយនឹងបទចម្រៀងបើកកម្មវិធី បន្ទាប់មកដោយការអធិស្ឋានឧទ្ទិសដល់ សន្តី សូស៊ីហ្វីន បាឃីតា ( St. Josephine Bakhita) ដែលបាន​បូជាជីវិតដើម្បីជំនឿនិងការជួយសង្រ្គោះចំពោះជនរងគ្រោះនៃការជួញដូរមនុស្ស។

អ្នកចូលរួមបានឆ្លុះបញ្ចាំងពីសាររបស់ សម្តេចប៉ាបហ្វ្រង់ស៊ីស្កូ ដែលបានអំពាវនាវដល់បុគ្គល និងស្ថាប័ននានាទូទាំងពិភពលោកឱ្យឈរជាសាមគ្គីភាពជាមួយជនរងគ្រោះ និងធ្វើការដោយក្លាហានប្រឆាំងនឹងទម្រង់សម័យទំនើបនៃទាសភាព។

កម្មវិធីនេះក៏មានបទបង្ហាញអំពីគំនិតផ្តួចផ្តើមដែលកំពុងដំណើរការរបស់​អង្គការការីតាសបង់ក្លាដែស ដើម្បីទប់ស្កាត់ការជួញដូរមនុស្ស បង្កើនការយល់ដឹង និងគាំទ្រសហគមន៍ងាយរងគ្រោះទូទាំងប្រទេស។ កិច្ចខិតខំប្រឹងប្រែងទាំងនេះរួមមាន ការតស៊ូមតិ ការការពារ និងកម្មវិធីអភិវឌ្ឍន៍ដែលមានគោលបំណងដោះស្រាយមូលហេតុដើមនៃការកេងប្រវ័ញ្ច៕