ការិយាល័យការងារវ៉ាទីកង់៖ យើងធ្វើការដើម្បីកុំឱ្យសិទ្ធិរបស់និយោជិតត្រូវបានរំលោភបំពាន

ឆ្លើយតបនឹងលទ្ធផលអវិជ្ជមានពាក់ព័ន្ធនឹងលក្ខខណ្ឌការងារដែលបុគ្គលិកនៅវ៉ាទីកង់សំដែងការមិនពេញចិត្តនោះ លោកម៉ុងស៊ីញ៉័ ម៉ាកូស ស្ព្រីហ្ស៊ី (Monsignor Marco Sprizzi) ប្រធានការិយាល័យការងារនៃសន្តអាសនៈ បានពន្យល់អំពីការងាររបស់អង្គភាព និងទស្សនៈរបស់លោក លើលទ្ធផលនៃការស្ទង់មតិថ្មីៗដែលធ្វើឡើងដោយសមាគមនិយោជិតវ៉ាទីកង់ ដែលរាយការណ៍ពីការមិនពេញចិត្តរបស់ពួកគេ។

លោកបានប្រាប់វ៉ាទីកង់ញូវថា គោលការណ៍ណែនាំនៃការងារដែលអនុវត្តដោយការិយាល័យការងារនៃសន្តអាសនៈក្នុងទំនាក់ទំនងរបស់ខ្លួនជាមួយនិយោជិត និងជាមួយអង្គភាព ក៏ដូចជាទីស្នាក់ការកណ្តាលនៃទីស្នាក់ការកណ្តាល គឺផ្អែកលើការសន្ទនា និងកិច្ចសហការ ជាជាងជម្លោះ ការប្រកួតប្រជែង និងការត្អូញត្អែរ​ដែលបានលើកឡើង។

លោកបានបន្តថា ការិយាល័យនេះ គឺជាការិយាល័យដែលមាន ទ្វារបើកចំហជានិច្ច ហើយលោកក៏មិនជំទាស់ចំពោះការដែលបុគ្គលិកប្រមាណជា​២៥០​នាក់ ក្នុងចំណោមនិយោជិតជាង ៦ 000 នាក់ រួមទាំងអ្នកចូលនិវត្តន៍ផងដែរដែល បានរាយការណ៍ពីចំណុចអវិជ្ជមាន​។

លោកបានបន្តថា តាមបច្ចេកទេស ការស្ទង់មតិមួយដែលធ្វើឡើងដោយឈរលើមូលដ្ឋានតូចៗ លទ្ធផលក៏វាអាចមានលំអៀង ប៉ុន្តែទោះបីជាយ៉ាងណាក៏ដោយយើងនៅតែទទួលយកការលើកឡើង ហើយសន្យាថា នឹងឆ្លើយតបនឹងចំណុចអវិជ្ជមានតាមការសន្ទនា និង ការគោរពច្បាប់។

លោកបានបន្តថា ទ្វារនៃការិយាល័យការងារតែងតែបើកចំហ ហើយរចនាសម្ព័ន្ធការងារយើងគឺផ្អែកលើ ការសន្ទនា ហើយយើងខិតខំធ្វើការដើម្បីធានាថាមិនមានស្ថានភាពណាមួយដែលសិទ្ធិរបស់បុគ្គលិកត្រូវបានគេមិនអើពើ ឬរំលោភបំពានតាមមធ្យោបាយណាមួយឡើយ៕