ការបរិច្ចាកឈាមគឺជាសក្ខីភាពនៃសេចក្តីស្រឡាញ់របស់គ្រីស្តបរិស័ទ

សម្តេចប៉ាបហ្រ្វង់ស៊ីស្កូបានមានបន្ទូលគាំទ្រនិងលើកទឹកចិត្តដល់ក្រុមអ្នកបរិច្ចាកឈាម ដោយមានបន្ទូលថា នេះជាសក្ខីភាពនៃសេចក្តីស្រលាញ់របស់គ្រីស្តបរិស័ទ។

វ៉ាទីកង់ញូវបានរាយការណ៍ថា ទ្រង់បានមានបន្ទូលបែបនេះនៅពេលដែលបានយាងជួបជាមួយនឹងសមា​ជិកនៃសហព័ន្ធអ្នកបរិច្ចាគឈាមអ៊ីតាលី។​

នាឱកាសនោះសម្តេចប៉ាប បានគូសបញ្ជាក់អំពីទំហំខាងវិញ្ញាណនៃការបរិច្ចាគឈាម ដែលជាសក្ខីភាពនៃសេចក្តីស្រឡាញ់របស់គ្រីស្ទបរិស័ទនិងជាសក្ខីភាពនៃសេចក្តីស្រឡាញ់របស់គ្រិស្តបរិស័ទដោយគ្មានព្រំដែ​នកំណត់។

ព្រះវបិតាដ៏វិសុទ្ធបាន​មានបន្ទូល ថា «ការផ្តល់​ឲ្យ» នាំ​មក​នូវ​សេចក្តី​អំណរ ដោយសារ​វា​ផ្លាស់ប្តូរ និង​បង្កើន​ជីវិត​ទាំងមូល​របស់​យើង ដោយ​ចូល​ទៅ​ក្នុង​ភាព​ភ្លឺស្វាង​នៃ​ដំណឹងល្អ ជា​កន្លែង​ដែល​គ្រប់​យ៉ាង​រក​ឃើញ​អត្ថន័យ និង​ភាពពេញលេញ​នៃ​សេចក្តីសប្បុរស។ ទ្រង់បានបន្តថា ៖ «អ្នកផ្តល់ឱ្យអ្នកដទៃនូវផ្នែកសំខាន់នៃខ្លួនអ្នក ហើយអ្នកប្រាកដជាដឹងពីសុភមង្គលដែលកើតចេញពីការចែករំលែក»។

សម្តេចប៉ាបបានបន្តគូសបញ្ជាក់ថា ការបរិច្ចាកឈាមក៏ជាសក្ខីភាពដ៏សំខាន់នៃសេចក្តីស្រឡាញ់របស់គ្រិស្តបរិស័ទចំពោះអ្នកដែលខ្វះខាត ដែលមិនមានព្រំដែន ជាតិសាសន៍ ឬសាសនា ហើយ នៅក្នុងពិភពលោកដែលត្រូវបានសម្គាល់ដោយបុគ្គលនិយម ទង្វើដែលមិនគិតពីខ្លួនឯង និងអនាមិករបស់អ្នក គឺជាសញ្ញាមួយដែលយកឈ្នះលើភាពព្រងើយកន្តើយ និងភាពឯកកោ ហើយអាចនឹងបំបែកឧបសគ្គនានា៕