ថ្លែងនៅខាងក្រៅសន្និសីទមួយដែលរៀបចំនៅសាកលវិទ្យាល័យមួយរបស់សន្តអាសនៈនៅទីក្រុងរ៉ូម លោកកាឌីណាល់ ព្យែត្រូ ផារ៉ូលីន (Pietro Parolin) នាយករដ្ឋមន្រ្តីសន្តអាសនៈបានធ្វើការអត្ថាធិប្បាយលើព័ត៌មានថ្មីៗស្តីពីតំបន់មជ្ឈិមបូព៌ា ដោយនិយាយថា គ្រប់គ្នាកំពុងធ្វើការដើម្បីធានាថាជម្លោះមិនកើនឡើងហើយពង្រីកធំបន្ថែមទៀត។
ខណៈដែលពិភពលោកកំពុងមានការព្រួយបារម្មណ៍យ៉ាងខ្លាំងអំពីស្ថានការណ៍នៅមជ្ឈឹមបូព៌ា លោកកាឌីណាល់បានដកដង្ហើមធំហើយបញ្ចេញទស្សនៈថា យ៉ាងហោចណាស់រហូតមកដល់ពេលនេះ បន្ទាប់ពីការវាយប្រហារគ្នាទៅវិញទៅមករវាងអ៊ីរ៉ង់ និងអ៊ីស្រាអែល ជម្លោះមិនបានកើនឡើងដូចអ្វីដែលមនុស្សជាច្រើនភ័យខ្លាចនោះទេ។
លោកកាឌីណាល់បានប្រាប់អ្នកយកព័ត៌មានថា ៖ «ខ្ញុំឃើញថាមនុស្សគ្រប់គ្នាកំពុងធ្វើការដើម្បីកុំឱ្យរឿងនេះកើតឡើង»។
លោកកាឌីណាល់បានបន្តថា ៖ «វាហាក់ដូចជាខ្ញុំថា រហូតមកដល់ពេលនេះ អ្វីៗដែលអាក្រក់បំផុត គឺបានដំណើរការទៅដោយល្អ ក្នុងន័យថា មិនទាន់មានអ្វីដែលត្រូវភ័យខ្លាច ហើយភាគីទាំងពីរកំពុងព្យាយាមមិនបង្កហេតុ ដូចជាការពង្រីកជម្លោះ»។
ទាក់ទិននឹងជំហររបស់សហរដ្ឋអាមេរិក ដែលបានអះអាងជាថ្មីនូវការគាំទ្ររបស់ខ្លួនចំពោះអ៊ីស្រាអែល ខណៈពេលដែលមិនគាំទ្រការវាយប្រហារតបតលើប្រទេសអ៊ីរ៉ង់ លោកកាឌីណាល់ បាននិយាយថា លោកជឿជាក់ថា យើងត្រូវតែជៀសវាងនូវអ្វីគ្រប់យ៉ាងដែលអាចនាំឱ្យមានការកើនឡើង និងជាពិសេសអ្វីដែលអាចបង្កឱ្យមានស្ថានភាពដែលចេញពីដៃដែលគ្មាននរណាម្នាក់អាចគ្រប់គ្រងបាន។ វាកើតឡើងប្រសិនបើមិនមានការប្តេជ្ញាចិត្តពីផ្នែកនៃមនុស្សគ្រប់គ្នាក្នុងការសម្របសម្រួលដោះស្រាយបញ្ហាទាំងអស់៕
Daily Program
