កាឌីណាល់ ព្យែត្រូ ផារ៉ូលីន៖ កិច្ចការដឹកនាំព្រះសហគមន៍ នៅតែស្ថិតនៅក្នុងព្រះហស្តសម្តេចប៉ាប

នៅក្នុងបទសម្ភាសន៍ជាមួយកាសែត Corriere della Sera របស់ប្រទេសអ៊ីតាលី លោកកាឌីណាល់ ព្យែត្រូ ផារ៉ូលីន បានលើកឡើងថា សម្តេចប៉ាបហ្វ្រង់ស៊ីស្កូនៅតែបន្តដឹកនាំកិច្ចការនានានៅក្នុងព្រះសហគមន៍កាតូលិកដដែល។

លោកបានលើកឡើងថា សម្តេចប៉ាបមិនដែលបោះបង់ការងារនិងការទទួលខុសត្រូវរបស់ទ្រង់ឡើយ សូម្បីតែនៅក្នុងថ្ងៃដ៏លំបាកបំផុតនៅមន្ទីរពេទ្យក៏ដោយ។

លោកបានបន្តថា សម្តេចប៉ាបបានបន្តអានរបាយការណ៍នានា ហើយទ្រង់សម្រេចចិត្តជាបន្តបន្ទាប់ ដោយឯករាជ ហើយផ្អែកលើសិទ្ធិអំណាចដែលទ្រង់មាន ហើយពេលខ្លះទ្រង់ក៏សម្រេចផ្ទេរការងារខ្លះៗតាមច្បាប់និងតាមទម្លាប់នៃការសម្រេចចិត្តរបស់ទ្រង់។

លោកកាឌីណាល់បានបន្តទៀតថា ជំងឺវាពិតជាធ្វើឲ្យសុខភាពទ្រង់ទ្រុឌទ្រោម ប៉ុន្តែទ្រង់មិនដែលបានបោះបង់អភិបាលកិច្ចលើព្រះសហគមន៍ស្របតាមបំណងរបស់ព្រះជាម្ចាស់ម្តងណាឡើយ៕