ទីភ្នាក់ងារព័ត៌មានកាតូលិកបានរាយការណ៍ថា គិតត្រឹមថ្ងៃពុធ ក្រុមលោកកាឌីណាល់បានជួបជុំគ្នាជាលើកទី២ ដែលមានលោកកាឌីណាល់១០៣រូប ខណៈដែលកាឌីណាល់ផ្សេងៗទៀតបានកំពុងតែធ្វើដំណើរឡើងមកកាន់រ៉ូម។
ប្រភពដដែលបានបន្តថា ចំនួនលោកកាឌីណាល់ដែលបានបង្ហាញវត្តមានកើនឡើង ខណៈដែលកិច្ចប្រជុំរបស់លោកកាឌីណាល់កាលពីថ្ងៃអង្គារ មានត្រឹមតែ ៦០រូបចូលរួមប៉ុណ្ណោះ។
តាមការគ្រោងទុកដំណើរការនៃការរៀបចំ ប្រជុំបោះឆ្នោតជ្រើសរើសសម្តេចប៉ាប (conclave) នៅក្នុងចំណោមលោកកាឌីណាល់ នឹងដំណើរការរហូតដល់ថ្ងៃទី ០៤ ខែឧសភាខាងមុខ។
មកដល់ពេលនេះព្រះសហគមន៍កាតូលិកទាំងមូលមានកាឌីណាល់ចំនួន ២៥២ រូប ហើយលោកកាឌីណាល់ដែលមានបុព្វសិទ្ធិចូលរួមបោះឆ្នោតជ្រើសរើសសម្តេចប៉ាបគឺមានតែ ១៣៥ រូបប៉ុណ្ណោះ។ លោកកាឌីណាល់ដែលមានអាយុ ក្រោម៨០ ឆ្នាំទើបអាចមានសិទ្ធិទទួលការជ្រើសរើសជាសម្តេចប៉ាប៕
Daily Program
