លោកកាឌីណាល់ ចន រីបាត់ អគ្គអភិបាលនៃព្រះសហគមន៍កាតូលិកនៅប៉ាពួរញូហ្គីណេ បានលើកឡើងថា ដំណើរទស្សនៈកិច្ចរបស់សម្តេចប៉ាបហ្រ្វង់ស៊ីស្កូនៅប៉ាពួរជាព្រះរាជដំណើរដែលនឹងជួយព្រះសហគមន៍នៅប្រទេសនេះទៅក្នុងសាកលលោក ។
លោកកាឌីណាលើបានមានប្រសាសន៍ប្រាប់វ៉ាទីកង់ញូវថា វត្តមានរបស់សម្តេចប៉ាបកាលពីចុងសប្តាហ៍កន្លងទៅ គឺបង្ហាញពីភាពជិតស្និទ្ធរបស់ព្រះបិតាដ៏វិសុទ្ធរបស់ទ្រង់ចំពោះជាតិនិងប្រជាជនប៉ាពួរ ។
លោកកាឌីណាល់បានមានប្រសាសន៍ថា សាររបស់សម្តេចប៉ាបគឺពិតជាមានអត្ថន័យណាស់សម្រាប់យុវវ័យប៉ាពួរ ហើយទ្រង់ក៏មានបន្ទូលបង្ហាញនូវការគាំទ្ររបស់ទ្រង់ចំពោះសិទ្ធិស្ត្រី ។
លោកកាឌីណាល់ បានថ្លែង បន្ទាប់ពីសម្តេចប៉ាបបានចាកចេញពីប្រទេសកោះនេះថា ព្រះបិតាដ៏វិសុទ្ធបានលើកទឹកចិត្តយុវជនប៉ាពួរ ឱ្យក្រោកឈរឡើងនៅពេលដែលពួកគេដួល ហើយជួយអ្នកផ្សេងទៀតដែលបានដួលផងដែរ។
លោកកាឌីណាល់បានមានប្រសាសន៍ថា នោះជាសារដ៏មានឥទ្ធិពលសម្រាប់យុវជន ដើម្បីជួយគ្នាទៅវិញទៅមក មិនមែនគ្រាន់តែស្វែងរកជំនួយពីខាងក្រៅប៉ុណ្ណោះទេ ប៉ុន្តែក៏មកពីក្នុងខ្លួនពួកគេ ហើយក្រោកឡើងជាមួយគ្នាផងដែរ។
លោកកាឌីណាល់បានបន្តថា គាត់ក៏បានផ្តល់សារមួយទៀតដល់ពួកគេដែរ។
លោកបានពន្យល់ថា ដូចដែលទ្រង់បានធ្វើជាញឹកញាប់ សម្តេចប៉ាប បានគូសបញ្ជាក់អំពីទ្រព្យសម្បត្តិដ៏មានតម្លៃដែលមកពីជីដូនជីតារបស់ប៉ាពួរ នោះគឺតម្លៃ និងវប្បធម៌ដែលឥឡូវនេះ ជាមួយនឹងឥទ្ធិពលទំនើបជាច្រើន យើងប្រថុយនឹងការផ្តាច់ទំនាក់ទំនង" ។
លោកកាឌីណាល់ បានបន្ថែមថា អ៊ីនធឺណិត និងប្រព័ន្ធផ្សព្វផ្សាយសង្គមមិនអាចផ្តល់តម្លៃទាំងនោះបានទេ។
Daily Program
