កាឌីណាល់ព្យែត្រូ ផារ៉ូលីន បំពេញទស្សនកិច្ចនៅព្រះសហគមន៍ន័រវេស

វ៉ាទីកង់ញូវបានរាយការណ៍ថា លោកកាឌីណាល់ ព្យែត្រូ ផារ៉ូលីន កាលពីចុងសប្តាហ៍មុនបានធ្វើដំណើរទៅទស្សនកិច្ចព្រះសហគមន៍នៅក្នុងប្រទេសន័រវេស ។

ប្រភពដដែលបានឲ្យដឹងថា នៅក្នុងអំឡុងពេលនៃដំណើរក្រៅបុរីវ៉ាទីកង់ទៅកាន់ទីក្រុងអូស្លូ នេះ លោក  កាឌីណាល់ នាយករដ្ឋមន្រ្តីសន្តអាសនៈបានអញ្ជើញចូលរួមជាអធិបតីនៃការតែងតាំងលោកអភិបាល ហ្វ្រេឌឺរីក ហាន់សិន (Frederik Hansen) នៃព្រះសហគមន៍នៅទីក្រុងអូស្លូជាផ្លូវការ ក្រោយពេលដែល លោកបានទទួលការតែងតាំងដោយសម្តេចប៉ាបហ្រ្វង់ស៊ីស្កូ តំាងតែពីថ្ងៃទី ០១ ខែវិច្ឆិកា ឆ្នាំ២០២៤ ។

នៅក្នុងដំណើរទៅរដ្ឋមយយនៃតំបន់សេ្កនឌីណាវៀន ( Scandinavian) នេះ លោកកាឌីណាល់ បានរំលឹក និង បានឆ្លុះបញ្ចាំងក៏ដូចជា បើកចំហនូវ "កិច្ចសន្ទនា" និង "កិច្ចសហការគ្នាទៅវិញទៅមក" រវាងកាតូលិក និង Lutherans  នៅក្នុងការស្វែងរកសន្តិភាព នៅលើពិភពលោក ។

លោកឌីណាល់បានសម្តែងការព្រួយបារម្ភជាពិសេសចំពោះ "អ៊ុយក្រែនដែលរងគ្រោះដោយសង្រ្គាម ប៉ាឡេស្ទីន អ៊ីស្រាអែល មីយ៉ាន់ម៉ា និងស៊ូដង់" ដោយសង្កត់ធ្ងន់លើសារៈសំខាន់នៃ "ភាពស្និទ្ធស្នាលនៃសេចក្តីស្រឡាញ់ជាបងប្អូន។

លោកកាឌីណាល់ ក៏បានកត់សម្គាល់ថា "ដំណើរនៃភាតរភាព និងសាមគ្គីភាពគ្រិស្តសាសនានេះ គឺចាំបាច់ និងបន្ទាន់ជាងពេលណាៗទាំងអស់ ដើម្បីប្រឈមមុខនឹងបញ្ហាជាច្រើនដែលព្រះសហគមន៍កាតូលិកបានកំពុងតែ ជួបប្រទះ ។