កម្មវិធីអប់រំជំនឿរបស់សម្តេចប៉ាបប្រចាំខែមេសាចេញហើយ

កម្មវិធីអប់រំជំនឿប្រចាំខែសម្តេចប៉ាបហ្រ្វង់ស៊ីស្កូដែលបានខកខានកាលពីខែមីនា នៅក្នុងអំឡុងពេលទ្រង់ទទួលការព្យាបាលនៅមន្ទីរពេទ្យ ឥឡូវនេះចេញហើយ។​

វ៉ាទីកង់ញូវបានរាយការណ៍ថា គោលបំណងនៃការអធិស្ឋាននិងអប់រំជំនឿសំខាន់របស់ទ្រង់នៅក្នុងខែមេសារនេះគឺផ្តោតនៅលើ បច្ចេកវិទ្យា ដើម្បី​តម្រែតម្រង់មនុស្សជាតិរិះគិតអំពីគុណតម្លៃនិងសីលធម៌នៃបច្ចេកវិទ្យា។

ប្រភពដដែលបានបន្តថា សម្តេចប៉ាបបានបញ្ជាក់អំពីគោលបំណងនេះ តាមរយៈសារជាវីដេអូ។

ប្រភពដដែលបានលើកឡើងថា នៅខែមេសា សម្តេចប៉ាប នឹងដឹកនាំគ្រីស្តបរិស័ទអធិស្ឋានហើយរិះគិត ចំពោះបច្ចេកវិទ្យាថ្មី ហើយសង្ឃឹមថា ការប្រើប្រាស់បច្ចេកវិទ្យាទាំងនេះដើម្បីប្រយោជន៍ដល់មនុស្សនិងប្រាកដថាវាមិន ជំនួសទំនាក់ទំនងរបស់មនុស្ស នឹងប្រើប្រាស់វាដោយកាគោរពសេចក្តីថ្លៃថ្នូររបស់មនុស្ស ហើយនឹងជួយមនុស្សជាតិឱ្យប្រឈមមុខនឹងវិបត្តិនៃសម័យកាលបច្ចុប្បន្នដោយការឈ្លាសវៃ។

នៅក្នុងពិភពលោកដែលពោរពេញដោយនិន្នាការនៃការ រីកចម្រើនឥតឈប់ឈរនៃបញ្ញាសិប្បនិមិត្ត សម្តេចប៉ាប សង្កត់ធ្ងន់ថា “បច្ចេកវិទ្យាគឺជាផ្លែផ្កានៃបញ្ញាដែលព្រះបានប្រទានមកយើង”។

សម្តេចប៉ាបបាន​ព្រមាន​កុំ​ប្រើ​វា​ខុស ព្រោះ​វា​អាច​មាន​ផល​អវិជ្ជមាន ឧទាហរណ៍វាបង្កឲ្យមានបញ្ហានៃភាពឯកោ និងអវត្តមាននៃទំនាក់ទំនងពិត។

សម្តេចប៉ាបបាន ព្រមានថា ការដែលមនុស្សប្រើប្រាស់អេក្រង់កាន់តែច្រើនឡើងវាដូចជាយើងភ្លេច ដកដង្ហើម ភ្លេចសើច និងភ្លេចយំ នោះហើយគឺជាភាព​ឯកកោរបស់មនុស្សជាតិ​៕