«វិច្ឆិកា» គឺជាខែមួយដែលជិតចូលជិតដល់វេលាត្រៀមខ្លួនចូលក្នុងរដូវពិសេស! ជាខែមួយដែលព្រះសហគមន៍មានព្រះបន្ទូលជួយណែនាំយើង ជួយរំលឹកយើងអំពីការរស់នៅ យើងត្រូវតែការអធិដ្ឋានជានិច្ច។ បងប្អូនជាទីស្រឡាញ់! ការអធិដ្ឋានគឺជាទំនាក់ទំនងខ្ញុំនិងព្រះជាម្ចាស់ យើងនិងព្រះជាម្ចាស់! ពេលណាយើងទាក់ទងនិងបុគ្គលណា ក៏ដូចជាយើងបានទំនាក់ទំនងនឹងព្រះជាម្ចាស់យ៉ាងនោះដែរ។
ដោយកាយវាចាចិត្ត និងដោយវិញ្ញាណរបស់យើង យើងមានព្រះជាម្ចាស់! ទ្រង់ព្រះប្រទាន ព្រះអំណោយទានជីវិតឱ្យយើងរស់នៅ គឺឱ្យយើងខិតខំអធិដ្ឋានដោយចេញពីចិត្តរបស់យើង។ ទីមួយ ទឹកចិត្តរបស់យើង ទឹកចិត្តរបស់យើងដែលឱ្យយើងនឹកដល់ព្រះជាម្ចាស់ ធ្វើឱ្យយើងអាចទាក់ទងនឹងទ្រង់បានល្អ ក៏ដូចជាបានទំនាក់ទំនងល្អជាមួយបងប្អូន។ ទីពីរ ឱ្យយើងរកព្រះហឫទ័យរបស់ព្រះជាម្ចាស់ ក្នុងការរស់នៅរបស់យើង។ ការអធិដ្ឋានមិនមែនដើម្បីរកប្រយោជន៍ រកកិត្តិយស រកទ្រព្យសម្បត្តិ ឬបំពេញនៅនូវតណ្ហាដែលយើងត្រូវការ ប៉ុន្តែឱ្យយើងរកព្រះហឫទ័យរបស់ព្រះជាម្ចាស់។
ទីបីសូមឱ្យអ្វីៗដែលយើងស្វែងរក គឺឱ្យយើងត្រូវតែប្រព្រឹត្ត។ កិច្ចការទាំងឡាយដែលយើងធ្វើ ទាំងទំនាក់ទំនងជាមួយបងប្អូន ការបម្រើបងប្អូន គឺយើងនឹកដល់ព្រះជាម្ចាស់ យើងអាចធ្វើជាអ្នកបម្រើព្រះជាម្ចាស់ និងបងប្អូនឯទៀតៗ ឱ្យយើងអរគុណព្រះជាម្ចាស់ ឱ្យយើងសប្បាយចិត្តរីករាយនៅក្នុងជីវិតរបស់យើង ពីមួយថ្ងៃទៅមួយថ្ងៃ ព្រះយេស៊ូតែងតែបង្រៀន តែងតែអប់រំយើង ឱ្យយើងមានទំនាក់ទំនងជាមួយព្រះជាម្ចាស់។
នៅពេលណា បងប្អូនអធិដ្ឋាន សូមឱ្យបងប្អូនមានពេលវេលាស្ងៀមស្ងាត់ ទុកចិត្តថា ខ្ញុំនៅជាមួយព្រះជាម្ចាស់។ នៅពេលដែលយើងបានអង្គុយស្ងៀមស្ងាត់នៅមុខព្រះជាម្ចាស់ នៅមុខឈើឆ្កាង នៅមុខព្រះយេស៊ូ ព្រះហឫទ័យព្រះបេះដូងមេត្តាករុណារបស់ទ្រង់ ពេលនោះ យើងនឹងឃើញ ព្រះបេះដូងរបស់ព្រះយេស៊ូពោរពេញទៅដោយក្តីមេត្តាករុណា ធ្វើឱ្យចិត្តរបស់យើងលែងភ័យខ្លាចនៅក្នុងជីវិត។ ការធ្វើទាន ការលើកលែងទោសដល់បងប្អូនអ្នកដទៃៗទៀត។ នៅពេលនោះហើយ ធ្វើឱ្យយើងឃើញថា បើយើងជឿ ព្រះជាម្ចាស់គង់នៅជាមួយយើង ក៏គង់នៅជាមួយបងប្អូន។ យើងមិនត្រូវខ្លាច ឬភ័យព្រួយនោះឡើយ គឺឱ្យយើងមានជំនឿទុកចិត្តថា អ្វីៗដែលព្រះជាម្ចាស់មានសម្រាប់ខ្ញុំ គឺមានសម្រាប់បងប្អូន។
នៅពេលដែលយើងចេះរួមគ្នា ឱ្យយើងចេះលើកទឹកចិត្តគ្នាទៅវិញទៅមក ការអធិដ្ឋាន ជាពេលវេលាមួយដើម្បីរួមចិត្តរួមគំនិត ដូចក្នុងព្រះបិតា ព្រះបុត្រា និងព្រះវិញ្ញាណដ៏វិសុទ្ធ អាម៉ែន។
Daily Program
