អត្ថាធិប្បាយគម្ពីរដំណឹងល្អថ្ងៃទី០១ ខែកញ្ញាឆ្នាំ២០២៣

អត្ថាធិប្បាយគម្ពីរដំណឹងល្អថ្ងៃទី០១ ខែកញ្ញាឆ្នាំ២០២៣ តាមម៉ាថាយ ២៥,១-១៣អត្ថាធិប្បាយដោយលោកបូជា​ចារ្យ​ផាន បូរី

នៅក្នុងអត្ថបទព្រះគម្ពីរដំណឹងល្អក្នុងថ្ងៃនេះ ព្រះយេស៊ូបានលើកឡើងអំពីប្រស្នាមួយ​ដែល​មានអត្ថន័យនឹងមានឱជារសជីវិតខាងផ្លូវវិញ្ញាណរបស់គ្រីស្តបរិស័ទ។ ព្រះអង្គ​បាន​លើកឡើងអំពីស្ត្រីទាំង១០នាក់ ប៉ុន្តែស្រ្តីទាំង១០នាក់នោះមានតែស្រ្តី៥នាក់ដែល​មាន​បញ្ញា ដែលមានប្រាជ្ញា​ ដែលមានគំនិត​ ប៉ុន្តេស្រ្តី៥នាក់ទៀតគេទៅទទួលស្វាមី​គេ​ដែរ ប៉ុន្តែគេទៅ​​ទាំងដែលអត់មានប្រាជ្ញា អត់មានបញ្ញា​​ អត់មានគំនិត ហេតុអី​បាន​ជា​ស្រ្តីទាំង១០នាក់នេះ ៥នាក់អត់មានគំនិត ៥នាក់ទៀតមានគំនិត ហេតុអ្វីបានជាព្រះ​យេស៊ូ​លើកប្រស្នាតាមរបៀបនេះ ហេតុអ្វីមិនមានបញ្ញាទាំង១០​ ហេតុអីបានជាមានតែ​៥។

បងប្អូនជាទីស្រលាញ់​ បងប្អូនជាទីគោរពរាប់អាន ស្រ្តីដែលមានបញ្ញាមុននឹងធ្វើអ្វីមួយ​គេ​រិះ​គិតបានវែងឆ្ងាយ មានគតិបណ្ឌិត មានសុភវិនិច្ឆ័យ ចេះរៀបចំចិត្តគំនិត​ ចេះរៀប​ចំឥរិយាបទដើម្បីជួបនឹងធ្វើអ្វីមួយនៅពេលណាដែលមានបញ្ហា មានន័យថាមានបញ្ញា​ដើម្បីដោះស្រាយហើយនេះបញ្ញានេះជាអាវុធមួយដ៍សំខាន់ គំនិតច្នៃប្រឌិតជាអ្វីមួយ​ដែល​មនុស្សយើងត្រូវការ ការរៀបចំទុកជាមុន ការរៀបចំនេះនាំឱ្យម្នាក់ៗទទួលបាន​ជោគជ័យនៅពេលខាងមុខ។​ រីឯស្រ្តី៥នាក់ទៀត ស្រ្តីដែលអត់មានបញ្ហា ពេលណា​គាត់​ជួប​បញ្ហាគាត់រកអ្នកដទៃជួយ បាទធម្មតាយើងត្រូវជួយគ្នា ប៉ុន្តែពេលខ្លះយើងត្រូវ​ការ​ជួយ​ខ្លួន​ឯងដែរហើយនេះនាំឱ្យស្រ្តី៥នាក់ទៀត​ គាត់រត់ទៅទិញដើម្បីបង្ការ​ដោយ​សារ​គាត់អស់ប្រេងដើម្បីពន្លឺទទួលស្វាមី។​ ពេលគាត់ទៅរកទិញប្រេងស្វាមីបានចូល​មក​ដល់ក្នុងផ្ទះហើយនេះស្រ្តីដែលមានបញ្ញា គេសល់ប្រេងហើយគេបន្ថែមប្រេង​ចង្កៀង​របស់គេ ពេលស្វាមីមកដល់​​ គេអាចបំភ្លឺស្វាមីហើយនាំស្វាមីចូលទៅក្នុងផ្ទះគេ​ដោយ​សេចក្ដី​សុខ​សាន្ត។ រីឯស្រ្តី៥នាក់ទៀត អត់មានប្រេងបង្ការគេអត់បានទទួល​ស្វាមី​ដោយត្រឹមត្រូវ គេអត់បានទទួលស្វាមីចូលទៅក្នុងផ្ទះ ផ្ទុយទៅវិញនាំឱ្យសោក​ស្ដាយ​នៅក្នុងប្រស្នានាំឱ្យរិះគិតយើងជាគ្រីស្តបរិស័ទ យើងគឺជាកូនក្រមុំ​ ជាកូនក្រមុំដ៍​ល្អ ជាកូនក្រមុំដ៍ផូរផង់ ជាកូនក្រមុំដែលមានចិត្តស្មោះត្រង់ជាមួយស្វាមីគឺយើងត្រូវការ​ចេះ​ត្រៀមចិត្ត ត្រៀមខ្លួន ត្រៀមចិត្តគំនិតជានិច្ច ដើម្បីទទួលស្វាមីរប​ស់យើង គឺទទួល​ព្រះយេស៊ូដើម្បីឱ្យផ្លូវវិញ្ញាណ ផ្លូវកាយរបស់យើងបានល្អផូរផង់ ដែលពោរពេញដោយ​ឱ្យ​ព្រះ​​វិញ្ញាណ​ដ៍វិសុទ្ធជួយបំភ្លឺយើង ដើម្បីឱ្យយើងមានស្មារតី យើងមានឆន្ទៈល្អ យើង​មានបញ្ញាល្អ យើងមានគំនិតល្អដើម្បីទទួលស្វាមីរបស់យើង។ ការរិះគិតពិចារណា ការចេះ​ថ្លឹងថ្លែង ការចេះប៉ាន់ប្រមាណនៅក្នុងការរស់នៅរបស់យើង នាំឱ្យយើងជោគ​ជ័យ​​នៅក្នុងជីវិតរបស់យើង។ តើយើងគួរធ្វើដូចម្ដេចដើម្បីឱ្យយើងមានប្រេងរហូត​នៅក្នុង​ជីវិតរបស់យើងជាគ្រីស្តបរិស័ទ ច្បាស់ហើយបងប្អូនជាទីស្រលាញ់​គឺមានផ្លូវតែ​មួយ​ដែល​នាំ​គ្នាចេះអធិដ្ឋាន ចេះអធិដ្ឋាន យកព្រះបន្ទូលរបស់ព្រះជាម្ចាស់មកអនុវត្តន៍​ក្នុងជីវិតប្រចាំថ្ងៃ ចូលរួមថ្វាយអភិបូជាជារៀងរាល់ថ្ងៃ ជារៀងរាល់អាទិត្យ ចូលរួម​បង្ហាញមេត្តាករុណាដល់អ្នកក្រីក្រ ដល់អ្នកទន់ខ្សោយ ដល់ក្មេងកំព្រាជួយគេឱ្យអស់​ស្មោះពីចិត្តអ្វីទាំងអស់នោះហើយ គឺជាប្រេងដែល​ជួយឱ្យជីវិតរបស់គ្រីស្តបរិស័ទ​មាន​ការ​រីកចម្រើន នឹងមានសេចក្ដីជ្រះថ្លានៅក្នុងដំណើរជីវិតរបស់យើងដែលជាអ្នកជឿ ហេតុ​​នេះចូលឱ្យយើងជាគ្រីស្តបរិស័ទចេះរៀបចំចិត្តគំនិតជានិច្ច ដើម្បីទទួលស្វាមី​របស់​​យើង ទទួលព្រះយេស៊ូគ្រីស្តជាព្រះសង្គ្រោះហើយព្រះអង្គនឹងយាងចូលមកក្នុង​ជីវិត​របស់យើង ដើម្បីព្រះអង្គយាងចូលមកក្នុងជីវិតរបស់យើងបាន យើងត្រូវការចេះ​រៀប​ចិត្ត​គំនិ​ត​ឱ្យបានល្អត្រឹមត្រូវនឹងឱ្យបានគាប់ប្រសើរដោយសមនឹងឋានៈជាភរិយាដ៍​ល្អ​របស់​ស្វាមីរបស់យើង។ ហេតុនេះពេលខ្លះយើងពឹងទៅលើកិច្ចការរបស់ខ្លួនឯង​អត់បានទេ យើងត្រូវពឹងទៅលើព្រះវិញ្ញាណដែលជួយបំភ្លឺ ដែលជួយផ្ដល់កម្លាំងនឹង​ជួយ​ផ្ដល់​បញ្ញា​ឱ្យ​យើង​ចេះ​រិះគិតពិចារណា ចេះថ្លឹងថ្លែង។ អាម៉ែន! អាលេលូយ៉ា៕