ថ្ងៃទី២៧ ខែវិច្ឆិកា ឆ្នាំ២០២៥អត្ថបទគម្ពីរលូកា ២១,២០-២៨អត្ថាធិប្បាយគម្ពីរដោយ៖ លោកបូជាចារ្យ ហ្វ្រង់ស័រ អេមេល្សដាល
ពីមួយឆ្នាំទៅមួយឆ្នាំព្រះសហគមន៍រំលឹកយើងថា ព្រះយេស៊ូប្រសូត្រ ហើយសោយទិវង្គតរួចនឹងមានព្រះជន្មរស់ឡើងវិញ ដោយសិរីរុងរឿងដូចជាព្រះមហាក្សត្រមួយអង្គ ហើយនៅនេះយើងរំលឹកថា ព្រះយេស៊ូនឹងយាងមកវិញពោរពេញដោយសិរីរុងរឿងនៅពេលនោះគឺជាអាវសានកាលនៃពិភពលោក ដូច្នេះព្រះយេស៊ូប្រកាសថាមានគ្រោះមហន្តរាយជាច្រើន ហើយមនុស្សជាច្រើននឹងបាត់បង់ជីវិត។
ឃ្លាចុងក្រោយគួរឱ្យចាប់អារម្មណ៍ព្រោះព្រះយេស៊ូមានព្រះបន្ទូលថា នៅពេលដែលហេតុការណ៍ទាំងនោះកើតឡើងចូរក្រោកឈរឡើង! ការសង្គ្រោះយាងមកដល់ហើយ! សម្រាប់យើងជាគ្រីស្តបរិស័ទ ឃ្លាចុងក្រោយបង្អស់នៃពេលវេលានៃពិភពលោក គឺសេចក្តីសុខសាន្តរបស់យើង ព្រោះពេលនោះព្រះជាម្ចាស់នឹងលេចមក ហើយព្រះអង្គនឹងនាំឱ្យមនុស្សទាំងអស់ឃើញ។
ប៉ុន្តែ! មុននឹងគិតអំពីឃ្លាចុងក្រោយបង្អស់នៃប្រវត្តិសាស្ត្ររបស់មនុស្សលោក សូមគិតអំពីជីវិតខ្លួនឯង។ ពេលខ្លះយើងមានអារម្មណ៍ថា យើងធ្លាក់ខ្លួនឈឺ យើងមានបញ្ហានេះ ឬបញ្ហានោះ ដូចជាឃ្លាចុងក្រោយនៃពិភពលោក ឃ្លាចុងក្រោយនៃជីវិតរបស់យើង ឬនៅពេលយើងជិតស្លាប់។ តាមពិតអ្វីៗទាំងអស់នេះ គឺជាឱកាសដើម្បីជួបព្រះជាម្ចាស់ ព្រះជាម្ចាស់ដែលរងទុក្ខលំបាកជាមួយយើងនៅលើឈើឆ្កាង។ ថ្ងៃដែលយើងស្លាប់ យើងសង្ឃឹមថា យើងនៅជាមួយព្រះជាម្ចាស់អស់មួយជីវិត អស់កល្បជានិច្ច។
ដូច្នេះគ្រីស្តបរិស័ទ យើងមិនខ្លាចប៉ុន្មានអំពីហេតុការណ៍អាក្រក់ដែលកើតមានឡើងចំពោះសេចក្តីស្លាប់ ពីព្រោះយើងជឿជាក់ថា ព្រះយេស៊ូគង់នៅជាមួយយើង នឹងនាំយើងឲ្យមានរបៀបរស់នៅថ្មី ឲ្យមានជីវិតថ្មី ពោរពេញដោយអំណរ។ ដូច្នេះ ចូលក្រោកឡើង! កុំបារម្ភ! កុំខ្លាច!។
Daily Program
