ថ្ងៃទី២០ ខែវិច្ឆិកា ឆ្នាំ២០២៥ អត្ថបទគម្ពីរ (លូកា ១៩,៤១-៤៤)អត្ថាធិប្បាយគម្ពីរដោយ៖ លោកបូជាចារ្យ ហ្វ្រង់ស័រ អេមេល្សដាល
តាមអត្ថបទសន្តលូកាយើងដឹងថាព្រះយេស៊ូធ្វើដំណើរពីភូមិណាសារ៉ែត ទៅដល់ក្រុងយេរូសាឡឹម។ ព្រះអង្គចេញពីភូមិណាសារ៉ែតនៅអាយុ៣០ឆ្នាំ ត្រង់នេះសន្តលូកាចង់បង្ហាញថា ព្រះយេស៊ូប្រសូត ដើម្បីសោយទិវង្គតនៅទីក្រុងយេរូសាឡឹម ដើម្បីបំពេញព្រះបន្ទូលសន្យារបស់ព្រះជាម្ចាស់។ ពេលយាងដល់ទីក្រុងយេរូសាឡឹមព្រះយេស៊ូអាណិតអាសូរអ្នកភូមិអ្នកក្រុងយេរូសាឡឹមទ្រង់បានបានធ្វើការអស្ចារ្យជាច្រើន។
ប៉ុន្តែអ្នកក្រុងយេរូសាឡឹមមិនព្រមកែប្រែគំនិត នឹងជឿថាព្រះយេស៊ូជាព្រះមេស្ស៊ី។ ព្រះយេស៊ូ មានព្រះបន្ទូលប្រាប់គេថានៅថ្ងៃអនាគតគេនឹងរងទុក្ខវេទនា។ សម្តីនេះព្រះយេស៊ូមិនគំរាមគេ ប៉ុន្តែជារៀបដែលព្រះយេស៊ូយាងមកសួរសុខទុក្ខ។ ឧទាហរណ៍ថាព្រះយេស៊ូយាងមកលេងខ្ញុំតាមរយៈអ្នកដទៃ ដែលនេះជារបៀបរស់នៅនៃជីវិត។ យើងមើលព្រះអង្គឃើញ ប៉ុន្តែយើងមិនព្រមទទួល ឬព្រមជឿ! ជាហេតុនាំយើងត្រូវវេទនា។
នៅពេលយើងរឹងរួសមិនទទួលស្គាល់ថាព្រះយេស៊ូយាងមកក្នុងជីវិតយើងតាមរយៈ´´វត្តមានអ្នកដទៃ នោះជីវិតរបស់យើងក៏គ្មានន័យអី្វ ផ្ទុយទៅវិញ ប្រសិនជាយើងយល់ថាព្រះជាម្ចាស់យាងមករកយើងតាមរយៈអ្នកដទៃ ពេលនោះយើងមានអំណរសប្បាយនិងពោរពេញដោយអត្ថន័យ យើងអាចមានសុភមង្គល ចាប់ផ្ដើមរិះគិតពិចារណាអំពីហេតុការណ៍ដែលកើតឡើងនៅក្នុងជីវិតរបស់យើង។ ព្រះជាម្ចាស់ចង់មានព្រះបន្ទូលមកខ្ញុំតាម រយៈអ្នកដទៃ។ ឧបមាថាខ្ញុំធ្លាក់ខ្លួនឈឺធ្ងន់ប្រហែលជាឱកាសដើម្បីកែប្រែគំនិតពង្រឹងជំនឿទៅរកព្រះជាម្ចាស់។
ដំណើរនេះសូមកុំបដិសេធក្នុងការទទួលព្រះជាម្ចាស់។ ផ្ទុយទៅវិញព្រះជាម្ចាស់យាងមកដើម្បីប្រទានសេចក្តីសុខសាន្តជារៀងរហូត។ សូមឲ្យយើងបើកចិត្តជឿ ហើយកុំឲ្យយើងធ្វើដូចអ្នកនៅទីក្រុងយេរូសាឡឹម តែឲ្យយើងទទួលព្រះជាម្ចាស់តាមរយៈ អ្នកដទៃ ។ អាម៉ែន។
Daily Program
