ថ្ងៃទី១៩ ខែតុលា ឆ្នាំ២០២៥ អត្ថបទគម្ពីរ (លូកា ១០,១-៩)អត្ថាធិប្បាយគម្ពីរដោយ៖ លោកបូជាចារ្យ គង់ វៀល

បងប្អូនជាទីស្រឡាញ់! នៅពេលដែលព្រះយេស៊ូយាងមកឡើងវិញ តើព្រះយេស៊ូទ្រង់នឹង​ឃើញ​មនុស្ស​មាន​ជំនឿនៅលើផែនដីនេះឬទេ? សំណួរដែលព្រះអង្គសួរនេះធ្វើឲ្យយើងឆ្ង​ល់ ​រយៈពេលប៉ុន្មានឆ្នាំនៅ​ពេល​ដែលសា​សនទូតត្រូវចាកចេញពីប្រទេសខ្មែរនាសម័យខ្មែរក្រហម លោកអភិ​បាល​អ៊ីរ៉ា​មួស​ លោក​តា​ពង្សូ​​​ហើយនឹងលោកបូជាចារ្យនានា ដែលធ្លាប់ផ្សព្វផ្សាយដំណឹងល្អនៅប្រទេសខ្មែរ ពួកគាត់ក៏ធ្លាប់សួរខ្លួន​ឯង​​ថា៖ ពេលដែលយើងត្រឡប់ទៅប្រទេសខ្មែរវិញ នៅពេលដែល​ប្រទេស​ខ្មែរមានសេរីភាពឡើងវិញ តើ​យើង​នឹងឃើញប្រទេសខ្មែរមានជំនឿឬទេ?

រយៈពេលជិត៤ឆ្នាំបងប្អូន! ទោះបីមានការបៀតបៀន ទោះបីមិនសូវមាននំប៉័ងនិងស្រា ក៏ពួកគាត់​បាន​រក្សា​​ជំ​នឿ​យ៉ាងល្អ ក្រោយពេលខ្មែរក្រហមលែងកាន់អំណាច បងប្អូនដែលបានគេចខ្លួនទៅ​ប្រទេស​វៀត​ណា​ម​ក៏ត្រឡប់មកខ្មែរវិញ នឹងបានជួយផ្សព្វផ្សាយដំណឹងល្អ​ បើទោះ​បីមិនទាន់មានបូជាចារ្យ ក៏​ពួក​គាត់​បាន​​ជួបជុំគ្នាអធិដ្ឋានទូលអង្វរព្រះអង្គ អានព្រះគម្ពីរ នឹងបាន​បង្កើតក្រុមតូចៗនៅភ្នំពេញ និងខេត្តនានា ដើម្បី​ឲ្យគ្រីស្តបរិស័ទជួបគ្នា ស្គាល់គ្នា ហើយ​ជួយ​គ្នាអធិដ្ឋាន។

រហូតដល់ឆ្នាំ៩០សេរីភាពបានត្រឡប់មកដល់ប្រទេសខ្មែរសារជាថ្មី ដោយសាររដ្ឋធម្មនុញ្ញថ្មី ប្រទេសខ្មែ​រ​មាន​​សេរីភាពខាងសាសនា។ លោក អ៊ីរ៉ាមូស ក៏បានវិលមកប្រទេសខ្មែរ ហើយច្បាប់ក៏បានអនុញ្ញាតឲ្យ​បង​ប្អូនថ្វាយពិធីអភិបូជារហូតដល់ថ្ងៃ ​អ្វីដែលយើងឃើញគឺប្រទេសខ្មែរនៅតែមានជំនឿ។ ពិតជាអស្ចារ្យ​មែន​ទែន​! ទោះបីប្រទេសខ្មែរបានឆ្លង​កាត់សម័យ​ដ៏សែន​ពិបាក​សម័យដែល​ មានការ​បៀត​បៀន មរណសាក្សី​ប្រទេសខ្មែរនៅតែអាចរក្សាជំនឿ។ ប៉ុន្តែបងប្អូន! ខ្ញុំ​ហ៊ានសួរ​ថា៖ ប៉ុន្មានឆ្នាំទៅមុខទៀត តើប្រទេស​ខ្មែរ​នឹង​រ​ក្សា​​ជំនឿបាន​ឬទេ?

ពីមុនមានទស្សនៈ​វិជ្ជា​កុម្មុយ​និស្ត​ ឬ​ក៏ម៉ាកឡេនីន ដែលធ្វើឲ្យប្រទេសខ្មែរពិបាកមែនទែន បច្ចុប្បន្ននេះ​មាន​សេរីភាព។ ប៉ុន្តែ​! មានឧបសគ្គ​ថ្មីដូចជាសម្ភារៈនិយមដែលធ្វើឲ្យយើងស្រឡាញ់ទ្រព្យសម្បត្តិកាន់តែច្រើន ហើយ​បំភ្លេច​ព្រះអង្គ​បន្តិច​ម្ដងៗ​ ដូច្នេះខ្ញុំសូមសួរបងប្អូនតើប្រទេសខ្មែរនឹងរក្សាជំនឿឬអត់? ខ្ញុំជឿ​ថាក្តី​សង្ឈឹម​ខ្ញុំ ហើយនិងបងប្អូនទាំងអស់គ្នាក៏មិនសូវខុសគ្នាដែរ សេចក្ដីសង្ឃឹមរបស់យើងគឺចង់ឲ្យ​ប្រទេស​ខ្មែរ​​រក្សាបាននូវ​ជំនឿ ជំនឿនៅ​ប្រទេសខ្មែ​រ​នឹ​ង រីកចម្រើន។ បងប្អូនកាន់តែច្រើន​នឹង​ស្គាល់​សេចក្ដី​ស្រឡាញ់​របស់ព្រះជាម្ចាស់! បងប្អូនកាន់​តែ​ច្រើននឹងមានបាបធ្ងន់  ឬនឹងទទួលធម៌មេត្តាករុណារបស់ព្រះជាម្ចាស់ ហើយពួកគាត់ក្លាយ​ទៅ​ជាសាក្សី​នៃ​ធម៌​មេត្តាករុណារបស់ព្រះអង្គដែលជួយសង្គ្រោះយើង។

នៅប្រទេសខ្មែរមនុស្សភាគច្រើនអត់ទាន់ស្គាល់សេចក្ដី​ស្រឡាញ់​របស់ព្រះជាម្ចាស់! ប្រហែល​ពួកគាត់ធ្លា​ប់​ឮ​​ឈ្មោះព្រះយេស៊ូ ប្រហែលគាត់ធ្លាប់​ស្គាល់​សាលាម​ត្តេ​យ្យ ឬកម្មវិធី​កា​រី​តា​ស​ដែលជួយមនុស្សក្រីក្រ ប៉ុន្តែ​​សូម​​បង​ប្អូន​ជួយ​ផ្សព្វផ្សាយដំណឹងល្អឲ្យពួកគាត់ មិនមែនតែដោយសារតែអំពើដែលយើងប្រព្រឹត្ត ប៉ុន្តែ!​ដោយ​​សារ​ព្រះ​ករុ​ណា​ប្រណី​សន្ដោសរបស់ព្រះជាម្ចាស់។ យើងដូចចៅក្រមក្នុងព្រះគម្ពីរនៅ​ថ្ងៃនេះ​យើង​បាន​​ទទួល​ភារ​កិច្ច​មួយ គឺគ្រប់គ្រងលើព្រះសហគមន៍របស់ព្រះអង្គ។ ព្រះអង្គនៅឋានសួគ៌បានប្រគល់កូន​សោ​​នៃ​ព្រះសហគមន៍ឲ្យយើងជាគ្រីស្តបរិស័ទ ហើយយើងត្រូវតែបើកកូនសោនៃស្ថានបរមសុខឲ្យបង​ប្អូន​​កាន់​តែ​ច្រើន​ចូលនៅក្នុងសិរីរុងរឿងរបស់ព្រះជាម្ចាស់បាន នេះជាបេសកកម្មរបស់យើង។

តើបុត្រមនុស្សនឹងឃើញជំនឿនៅលើផែនដីនៅពេលដែលព្រះអង្គយាងមក? បងប្អូនសូមអធិដ្ឋាន​ជានិច្ច​សូម​​កាន់ផ្ដាំ ហើយសូត្រធម៌ជាដរាបក្នុងខែតុលានេះ ជាខែពិសេសដើម្បីសូត្រផ្ដាំជាមួយព្រះនាងម៉ារី។ សូម​បងប្អូនរក្សាជំនឿជានិច្ច ហើយ​សូមព្រះជាម្ចាស់ប្រទានព្រះពរឲ្យអស់បងប្អូន ក្នុងព្រះនាមព្រះបិតា ព្រះបុត្រា និងព្រះវិញ្ញាណដ៏វិសុទ្ធ។ អាម៉ែន៕