ថ្ងៃទី១៤ ខែមេសា ឆ្នាំ២០២៦អត្ថបទគម្ពីរម៉ាថាយ ៥,១-១២អត្ថាធិប្បា​យគម្ពីរដោយ៖ លោកបូជាចារ្យ រឿង ឆ័ត្រសិរី

ជម្រាបសួរបងប្អូនជាទីស្រឡាញ់! រីករាយបុណ្យចូលឆ្នាំខ្មែរ។ នៅថ្ងៃនេះ ជាអំណរសប្បាយដែលបងប្អូន កំពុងចូលក្នុងឆ្នាំថ្មីដែលយើងតែងតែជូនពរសួស្តីឆ្នាំថ្មីទៅវិញទៅមក។ ព្រះសហគមន៍កាតូលិករបស់យើង ក៏ចូលក្នុងជីវិតថ្មីដែរ។

ជាជីវិតថ្មី ដោយសារការរស់ឡើងវិញ ដ៏រុងរឿងរបស់ព្រះយេស៊ូគ្រីស្ត ថ្ងៃនេះ ព្រះបន្ទូល​របស់​ព្រះអង្គ​បាន​ព្យាយាម​ពន្យល់ព្រឹត្តិការណ៍ ឬហេតុការណ៍រឿងក្រោយរស់ឡើងវិញ ដែលសម្រាប់លោក នីកូដេម​ដែល​ជា​គ្រូ ឬក៏ជាសមាជិកក្រុមផារីស៊ីអត់ទាន់យល់នៃជីវិតថ្មីដែល កើតឡើងក្រោយពីការរស់ឡើងវិញទេ។

បងប្អូនព្រះយេស៊ូបានលើកព្រះបន្ទូលមួយថា៖ «លោក ម៉ូសេបានលើកពស់ឡើងយ៉ាងណា បុត្រមនុស្ស ក៏នឹងត្រូវគេលើកយ៉ាងនោះដែរ ដើម្បីឲ្យអ្នកដែលជឿលើព្រះអង្គមានជីវិតអស់កល្បជានិច្ច»។

បងប្អូនជាទីស្រឡាញ់! ដោយសារឈើឆ្កាងជាសញ្ញានៃការសង្គ្រោះរបស់​យើង​ ទោះបីជាសញ្ញានៃការ​បូជា​ជីវិតថ ​ទោះបីជាសញ្ញានៃការធ្វើទារុណកម្ម ប៉ុន្តែ! ជាការសង្គ្រោះ​របស់​ព្រះអង្គដែលព្រះអង្គ​បង្ហូ​រ​លោ​ហិត ដើម្បីឲ្យមនុស្សស្អាតបរិសុទ្ធ តាមរបៀបយញ្ញបូជា​របស់​ជនជាតិយូដា។ យើងទទួលជីវិតថ្មីពីព្រះយេស៊ូ ហើយឆ្នាំថ្មីក៏កំពុងចាប់ផ្តើមឡើងដែល សូមឲ្យបងប្អូនចាប់ផ្តើមមាន​គំនិ​ត​ថ្មី ទស្សនៈថ្មី គំនិតវិជ្ជមាន ដែលធ្វើឲ្យជីវិតរបស់យើង ទទួលបានតែដំណឹងល្អ ក្នុងឱកាសឆ្នាំថ្មីនេះ។

​សូម​ឲ្យ​ព្រះយេស៊ូដែលមានព្រះជន្មរស់ឡើងវិញឲ្យបុណ្យចម្លងចូលនៅ ជាមួយជីវិតរបស់បង​ប្អូន​យ៉ាង​ពិតប្រាកដផងដែរ។ សូមព្រះជាម្ចាស់ព្រះយេស៊ូគ្រីស្តជាកម្លាំងជាសេចក្តីសង្ឃឹម និងជាសេចក្តី​ស្រឡាញ់​របស់​បងប្អូនផង។ សួស្តីឆ្នាំថ្មី រីករាយបុណ្យចម្លង!