ថ្ងៃទី១៤ ខែកញ្ញា ឆ្នាំ២០២៥ អត្ថបទគម្ពីរ (យ៉ូហាន ៣,១៣-១៧)អត្ថាធិប្បាយគម្ពីរដោយ៖ លោកបូជាចារ្យ គង់ វៀល

គោរពជម្រាបសួរបងប្អូនទាំងអស់គ្នា ថ្ងៃនេះជាថ្ងៃបុណ្យគោរព​លើក​តម្កើង​ព្រះ​ឈើ​ឆ្កាង! ​ ជាគ្រីស្តបរិស័ទ​យើង​តែងមានខ្សែកដែលមានព្រះឈើឆ្កាង នេះជាគន្លឹះ​នៃស្ថា​ន​បរមសុខជាឧបករណ៍មួយទ្រង់ប្រើ ដើម្បី​ជួយ​សង្គ្រោះយើង(រម្លឹក)  កុំឲ្យយើងធ្លាក់ទៅស្ថាននរក ឲ្យយើងឡើងទៅឋានសួគ៌ ដោយសារធម៌​មេត្តា​ករុណា​​របស់ព្រះអង្គ មិនមែនដោយសារបុណ្យកុសលរបស់យើង។

បងប្អូនប្រហែលឆ្ងល់! តើព្រះឈើឆ្កាងសង្រ្គោះខ្ញុំយ៉ាងម៉េច? ជាគ្រីស្តបរិស័ទយើងត្រូវស្តាប់​អត្ថបទ​ព្រះ​គម្ពីរត្រូវតែស្គាល់ ហើយទន្ទេញចាំមាត់ វាជាសាររម្លឹកខ្លួនឯងជារៀងរាល់ថ្ងៃថា ព្រះយេស៊ូ​ស្រឡាញ់​យើង​យ៉ាង​ណា ដើម្បីរំដោះយើងពីអំពើបាបទ្រង់ហ៊ានបូជាជីវិត នេះជាគន្លឹះជាខ្លឹមសារនៃដំណឹងល្អ ដែលយើង​ត្រូវតែប្រកាសជាគ្រីស្តបរិស័ទ។ ព្រះសង្រ្គោះមានន័យយ៉ាងម៉េច? អត្ថបទទីមួយចេញពី​ព្រះគម្ពីរ​ជំរឿ​ន​​ប្រជាជន និយាយអំពីបទពិសោធន៍របស់ប្រជាជនអេព្រីល ដែល​ពេលនោះ​ធើ្វ​ដំណើរ​ទៅ​កាន់​សេរី​ភា​ព​ ទៅ​កាន់​ប្រទេសអេស៊ីប ទៅដល់ប្រទេសអ៊ីស្រាអែលនៅពេល​ធ្វើ​ដំណើរក្នុងវាលរហោស្ថានពួកគេគោរព​ព្រះ​ក្លែង​ក្លាយ មួយចំនួនពេលនោះជួបពស់មានរាងដូចនា​គ​ហើយ​បងប្អូនយល់ច្រឡំថាជាព្រះសង្រ្គោះ តែ​នៅ​ពេល​ដែលសត្វពស់ចឹកមនុស្សឲ្យស្លាប់ទើបដឹងថាអ្វីទាំង​នោះជាមា។ ត្រង់នេះបង្ហាញថា អំពើ​បាបរបស់​យើ​ង​ធើ្វឲ្យជីវិតរបស់​យើងពុលរលួយលែង​ចេះ​បែង​ចែកអ្វីជាអ្វី។  ដូចលោកកាល់ឡូអា​គូទសជា​សន្ត​បាន​និយាយ​ថា “នរណាមើលតែខ្លួនឯង អ្នកនោះ​មាន​បាប ប៉ុន្តែនរណាបែរមុខទៅកាន់ព្រះជាម្ចាស់ អ្នកនោះ​មាន​ជីវិតរស់ឡើងវិញ”។

លោកប៉ូលគាត់និយាយដូចគ្នា គឺព្រះអង្គបានជួយឲ្យយើងបែរមុខទៅកាន់ព្រះជាម្ចាស់! ព្រះអង្គយាងមក លើ​ផែនដីនេះក្លាយជាមនុស្សសាមញ្ញាដើម្បីធ្វើឲ្យយើងទៅ​រកព្រះដ៏ខ្ព​ង់ខ្ពស់បំផុត​សា​ជាថ្មី​។ ដោយ​សារ​អំពើ​បាបរបស់យើង នាំឲ្យខ្លួនធ្លាក់ក្នុងអំពើបាប យើងកំពុងឱនកាយដោយសារយើងអស់សង្ឃឹម ហើយ​ព្រះអង្គយាងមក ដើម្បីជួយឲ្យយើងងើបឡើងវិញ។ នេះគឺជាអំណាចនៃព្រះជាម្ចាស់៕