ថ្ងៃទី១៣ ខែសីហា ឆ្នាំ២០២៥អត្ថបទគម្ពីរ ម៉ាថាយ (១៨,១៥-២០)អត្ថាធិប្បាយគម្ពីរដោយ៖ លោកបូជាចារ្យ រ៉ាជេត ហាសាពូទី

បងប្អូនជាទីគោរព!នៅក្នុងអត្ថបទថ្ងៃនេះតាមម៉ាថាយ (១៨,១៥-២០) ព្រះយេស៊ូមាន​ព្រះបន្ទូល​អំពី​ការ​ផ្សះ​ផ្សារ ភាពអត់ធ្មត់ និងការធ្វើឱ្យដូចសភាពដើម។ ព្រះយេស៊ូមានព្រះបន្ទូលថា ប្រសិនបើមានបង​ប្អូន​ណា​​ម្នាក់បានប្រព្រឹត្តអំពើបាបអ្វីមួយ ចូរទៅជួបអ្នកនោះស្ងាត់ៗតែពីរនាក់ ហើយស្តីប្រដៅគាត់ទៅ បើគាត់​ស្តាប់អ្ន​ក អ្នកនឹងរក្សាបងប្អូន​​នោះមិនឱ្យបាត់ឡើយ បើគាត់មិនព្រមស្តាប់អ្នកទេ ចូរនាំពី​រនាក់​ទៅ​ជា​មួយ​ជួយ​ដើរតួដើម្បីសម្រួលរឿងទាំងអស់ដោយមានសាក្សីពីរ ឬបីនាក់។

ប្រសិនបើគាត់មិនព្រមស្តាប់ពាក្យអ្នកទាំងនោះ ត្រូវនាំយើងនេះទៅប្រាប់ព្រះសហគមន៍។ អត្ថបទនេះ​ណែ​នាំ​លោកបូជាចារ្យ បងស្រី បងប្រុស និងអ្នកដឹកនាំព្រះសហគមន៍ពីរបៀប​ដែលយើងថែរក្សា​គ្រីស្តបរិស័ទ​របស់​យើង ជាពិសេសគ្រីស្តបរិស័ទដែលប្រព្រឹត្តអំពើបាប ឬធ្វើខុសពីច្បាប់ព្រះសហគមន៍។ ទីមួយ​ប្រសិន​បើ​មានគ្រីស្តបរិស័ទណាម្នាក់ប្រព្រឹត្តអំពើបាប អ្នកណែនាំព្រះសហគមន៍ត្រូវការយកចិត្តទុក​ដាក់ស្តាប់រឿង​របស់​គាត់ព្រមទាំងណែនាំគាត់ស្ងាត់ៗ និងលើកលែងទោសឱ្យគាត់។ ប្រសិនបើគ្រីស្តបរិស័ទមិនព្រមស្តាប់​អ្នក​ទេអញ្ជើញគ្រីស្តបរិស័ទនោះមកជួបអ្នកណែនាំព្រះសហគមន៍ពីរ ឬបីនាក់។

ចូរយកចិត្តទុកដាក់ស្តាប់ ហើយរកពិធីដោះស្រាយបញ្ហាដោយពិភាក្សាគ្នា មានន័យថា​ព្រះសហ​គម​ន៍​ត្រូវ​ការ​ភាពអត់ធ្មត់ក្នុងការណែនាំគ្រីស្តបរិស័ទដែលប្រព្រឹត្តខុស និងច្បាប់ព្រះសហគមន៍ម្តងហើយម្តងទៀត ដើមឱ្យពូកគាត់ចេះទទួលកំហុសខុសឆ្លងរបស់ខ្លួន នឹងកែប្រែចិត្តគំនិតត្រឡប់មកព្រះសហគមន៍វិញ។ ព្រះយេស៊ូមិនសព្វព្រះហឫទ័យឱ្យគ្រីស្តបរិស័ទណាម្នាក់បាត់ឡើយ ព្រះអង្គសព្វ​ព្រះហឫទ័យ​សម្តែង​ធម៌​មេត្តាករុណាចំពោះអ្នកមានបាប និងមនុស្សតូចតាច។ ព្រះអង្គតែងតែលើកលែងទោសឱ្យអ្នកមានបាប ហើយធ្វើឱ្យគេដូចសាកភាពដើម គឺធ្វើឱ្យគេក្លាយជាបុត្រធីតារបស់ព្រះជាអម្ចាស់។

ព្រះយេស៊ូជាគំរូសម្រាប់អ្នកណែនាំព្រះសហគមន៍ យើងក៏លើកលែងទោសឱ្យគ្រីស្តបរិស័ទ​ដែលមិ​ន​សូ​វ​ចូលរួមអភិបូជា ឬមិនសូវយកចិត្តទុក្ដាក់ក្នុងសកម្មភាពព្រះសហគមន៍។ ប្រសិនបើព្រះសហគមន៍មិន​ដាស់​តឿនគ្រីស្តបរិស័ទដែលប្រព្រឹត្តខុសនឹងព្រះជាអម្ចាស់ទេ ពួកយើងនឹងបាត់បង់អ្នកនោះជាមិនខាន។ ដូច្នេះព្រះសហគមន៍ត្រូវការយកចិត្តទុកដាក់ស្តាប់បញ្ហារបស់គ្រីស្តបរិស័ទដាស់តឿនគាត់ ដើម្បី​យើងរួបរួម​គ្នាជាធ្លុងតែមួយក្នុងព្រះសហគមន៍របស់ព្រះអង្គ។ ព្រះយេស៊ូក៏មានព្រះបន្ទូលថា ក្នុងចំណោមអ្នករាល់គ្នា​ប្រសិន​បើមានពីរនាក់នៅ​លើផែនដីនេះរួមចិត្ត​គំនិត​គ្នា​ទូលសុំអ្វីក៏ដោយព្រះបិតារបស់ខ្ញុំដែលគង់នៅស្ថាន​បរមសុខនឹងប្រទានឱ្យជាមិនខាន។

បងប្អូនជាទីគោរព! អត្ថបទនេះណែនាំពួកយើងយកចិត្តទុកដាក់លើការអធិដ្ឋាន ទូលសុំ​អង្វរព្រះជាម្ចាស់​ប្រសិនបើពួកយើងអធិដ្ឋានសុំអង្វរព្រះជាម្ចាស់ ព្រះជាម្ចាស់នឹងប្រទានព្រះអំណោចទានដល់​យើងជា​មិន​ខាន។ ប្រសិនបើយើងរួមចិត្តគំនិតគ្នាទូលអង្វរសុំអ្វីក៏​ដោយព្រះបិតាដែល​គង់នៅស្ថានបរមសុ​ខនឹង​ប្រទាន​ឱ្យ​យើងជាមិនខាន។ សូមឲ្យអត្ថបទនេះជួយគ្រីស្តបរិស័ទក្លាយជាគង្វាលដ៏ល្អ ដើម្បីពួកយើងក្លាយជាទូត​នៃ​ការលើកលែងទោស ភាពអត់ធ្មត់ និងគ្រីស្តបរិស័ទទាំងអស់គ្នាឱ្យដូចសភាពដើមគឺឱ្យក្លាយ​ជារូប​តំណាង​​របស់ព្រះជាអម្ចាស់។ សូមព្រះជាអម្ចាស់ប្រទានពរយើង៕