ថ្ងៃទី១១ ខែវិច្ឆិកា ២០២៥អត្ថបទគម្ពីរ (លូកា ១៧,៧-១០)អត្ថាធិប្បាយគម្ពីរដោយ៖ លោកបូជាចារ្យ រឿង ឆ័ត្រសិរី

ថ្ងៃនេះយើងស្ដាប់ព្រះបន្ទូលរបស់ព្រះយេស៊ូគ្រីស្តជាអង្គម្ចាស់នៃយើង។ ព្រះអង្គបានណែនាំឲ្យយើងទទួ​ល​​​ស្គាល់តួនាទីរបស់យើងក្នុងឋានៈជាគ្រីស្តបរិស័ទ។ តើគ្រីស្តបរិស័ទយើងមានតួនាទីអ្វីក្នុងឋានៈយើងជាគ្រី​ស្ត​បរិស័ទ?

ច្បាប់ព្រះសហគមន៍បង្កើតរបៀបនៃការរស់នៅរបស់យើងយ៉ាងច្រើន តែ​វិន័យ​របស់​ព្រះ​សហ​គ​មន៍​សម្រាប់​យើង​ទូទៅ ពិតប្រាកដហើយថាយើងមានកិច្ចការដែលយើងត្រូវធ្វើចំពោះព្រះជាម្ចាស់ និងទីពីរ ចំពោះ​បង​ប្អូន​ឯទៀតៗ គឺកិច្ចការនៃសេចក្ដីស្រឡាញ់ដែលព្រះអង្គបានណែនាំឲ្យយើងធ្វើ។ តើយើង​ធ្វើអ្វី​ចំពោះ​ព្រះ​ជា​ម្ចា​ស់ការថ្វាយបង្គំព្រះជាម្ចាស់ ការរស់នៅត្រឹមត្រូវស្មោះត្រង់ ចំពោះជំនឿរបស់យើង ឬ ការ​រស់​នៅ​តាម​សេចក្ដីស្រឡាញ់ដោយ យោគយល់នូវអំពីព្រះជាម្ចាស់។

ពិតមែនគ្រីស្តបរិស័ទយើងមានកាតព្វកិច្ចត្រូវតែទៅព្រះវិហារ សារភាពបាប និងត្រូវតែទទួលព្រះកាយ។ នេះ​ជាកាតព្វកិច្ចទូទៅ។ ប៉ុន្តែក៏មានកាតព្វកិច្ចតួនាទីសម្រាប់យើងធ្វើ ចំពោះបងប្អូនឯៗទៀត និងព្រះ​សហ​គមន៍ដែរក៏ដូចជាការធ្វើកិច្ចធម៌មេត្តាករុណា និងកិច្ចការនៃការចែករំលែកឲ្យព្រះសហគមន៍ តាម​លទ្ធ​​ភាពរបស់យើង។

បងប្អូនជាទីស្រឡាញ់! អ្វីៗទាំងអស់នេះហើយយើងចាត់ទុកថាជាតួនាទីរបស់យើង​កាតព្វកិច្ចរបស់​យើង​។ ដូចព្រះ​បន្ទូលថ្ងៃនេះ! ពេលដែលអ្នកបម្រើឃើញព្រះជាម្ចា​ស់​មក​វិ​ញ ហើយព្រះអង្គក៏បានឃើញយើង​បាន​បំពេញកាតព្វកិច្ចរបស់យើងយ៉ាងល្អយើងក៏ទៅនិយាយថា ខ្ញុំគ្រាន់​តែ​ជា​អ្នក​បម្រើ​ដែល​ត្រូវ​តែ​ធ្វើកិ​ច្ច​កា​រ​​ដែល​ត្រូវធ្វើតែប៉ុណ្ណោះ។ នេះមានន័យថាយើងឲ្យតែធ្វើយ៉ាង ម៉េចដើម្បីបំពេញកិច្ចការរ​បស់​យើង​តាម​ការ​ណែនាំរបស់ព្រះអម្ចាស់យេស៊ូគ្រីស្ត យើងក៏ចាត់ទុកថា យើងជាគ្រីស្តបរិស័ទល្អហើយ។

និយាយហ្នឹងគឺទូលាយណាស់សម្រាប់កិច្ចការរបស់យើងគ្រីស្តបរិស័ទ ប៉ុន្តែបងប្អូនដឹងហើយថាកិច្ចការ នៃ សេចក្ដីស្រឡាញ់កាលណាយើងបំពេញយ៉ាងល្អ យើងចេះលើកឡើងទុកឲ្យគេយើងចេះអធិស្ឋានឲ្យគេ យើង​មានចិត្តធម៌មេត្តាករុណា យើងមានការស្មោះត្រង់ជាមួយព្រះជាម្ចាស់ អ្វីៗទាំងអស់ដែលយើងបាន ធ្វើទាំងអស់នេះ ក៏អាចចាត់ទុកថាយើងបានបំពេញកាតព្វកិច្ចរបស់យើង។ សំខាន់គឺកិច្ចការដែលយើងត្រូវ​តែ​ធ្វើចំពោះព្រះជាម្ចាស់និងចំពោះ​បងប្អូនអ្នកទៀតៗ។ កិច្ចការល្អធម៌មេត្តាករុណា ​ឬអ្វីក៏ដោយ​ក៏សូម​ឲ្យ​បង​​ប្អូនបំពេញយ៉ាងល្អ។ នៅពេលនោះយើងហាក់ដូចជាអ្នកបម្រើមួយ របស់ព្រះអង្គនៅ​ពេល​ក្រោយ​យើង​អាច​ឆ្លើយតបព្រះអង្គថាខ្ញុំមានតួនាទីគ្រាន់តែបម្រើ។ ព្រះជាម្ចាស់​នឹងប្រទានរង្វាន់ ប្រទាន​អំ​ណោ​យ​ទាន​ឲ្យ​យើងយ៉ាងពិតប្រាកដដោយសារព្រះអង្គយល់ថាយើងជា អ្នកបម្រើដ៏ស្មោះត្រង់ ហើយ​ធ្វើ​តាម​កិច្ច​កា​រ​ដែល​ព្រះអង្គបានប្រាប់ឲ្យយើងធ្វើតាមការត្រាស់ហៅដែល យើងបានទទួលព្រះពីព្រះអង្គ​រៀង​ៗ​ខ្លួន​ហើយ​ដែរ​។ សូមព្រះជាម្ចាស់ប្រទានពរឲ្យអស់បងប្អូន៕