ថ្ងៃទី១១ ខែតុលា ឆ្នាំ២០២៥អត្ថបទគម្ពីរ លូកា (១១,២៧-២៨)អត្ថាធិប្បាយគម្ពីរដោយ៖ លោកបូជាចារ្យ អ៊ុន សុន

នៅថ្ងៃនេះយើងស្ដាប់សន្តលូកា មានស្ត្រីម្នាក់សរសើរថាអ្នកដែលបានបង្កើតលោក នឹង​មា​ន​កិត្តិយស​ដ៏​ខ្លាំង​ដ៏ល្អ គឺជាប់និងសាច់ឈាមរបស់លោក។ ប៉ុន្តែ! ព្រះយេស៊ូទ្រង់ឃើញថា ការជាប់ជាសាច់​ញាតិ​​ខាង​វិញ្ញាណល្អប្រសើរជាងការជាប់ជាសាច់ញាតិរបស់យើងជាបងប្អូនទៅទៀត។ ដោយ​ព្រះអង្គ​ឃើញ​ថាពេល​ណា​យើងជាប់ខាងវិញ្ញាណជាមួយព្រះអង្គ យើងនឹងបានដូចព្រះអង្គគឺទាំង​ការ​រស់​នៅ ការគោរពស្រ​ឡា​ញ់​កោតសរសើរព្រះជាម្ចាស់ធ្វើឲ្យជីវិតរបស់យើងមានព្រះជាម្ចាស់​ដែល​ព្រះ​អង្គ​គង់នៅជាមួយ ហើយ​ធ្វើ​ឲ្យ​ជីវិតទាំងមូលរបស់យើង ជាប់នឹងព្រះជាម្ចាស់ដូចគ្នា។

ដូច្នេះ ព្រះយេស៊ូដូចជាគាប់ព្រះហឫទ័យ ដែលឲ្យមនុស្សទាំងអស់មានសិទ្ធិចូលក្នុងព្រះសហគមន៍ ចូល​ជា​គ្រួសារ​របស់ព្រះអង្គ តាមជីវិតខាងវិញ្ញាណប្រសើរជាងខាងលោកីយ៍។ នៅថ្ងៃដែលយើង​នឹ​ករំលឹក​ដល់​សន្តៈយូហានប៉ូលទី២៣។ យើងសូមទូលអង្វរព្រះជាម្ចាស់! ដើម្បី​ឲ្យ​ជីវិត​របស់យើងចូលទៅក្នុងចិត្ត​គំនិ​ត​ របស់ព្រះជាម្ចាស់ ក្នុងព្រះហឫទ័យរបស់ព្រះជាម្ចាស់ខាងវិញ្ញាណ។ ដែលធ្វើ​ឲ្យយើង​ចេះរួបរួមគ្នា គោរព​គ្នា ស្រឡាញ់គ្នា កោតសរសើរ លើកតម្កើងព្រះជាម្ចាស់។

ជាពិសេស ខ្ញុំក៏បន្តទូលអង្វរព្រះជាម្ចាស់ នឹងសូមបងប្អូនរួមគ្នាអធិដ្ឋានដើម្បីជម្លោះនៅព្រំដែនដែល​បងប្អូ​ន​​​យើងនៅតែជួបទុក្ខលំបាកវេទនាត្រូវចាកចេញពីផ្ទះសម្បែង នឹងព្រាត់ប្រាស់គ្រួសារ​ធ្វើ​ឲ្យ​​​ជីវិតនិង​​ជីវភា​ព​រងការលំបាក។

នៅថ្ងៃគោរពសន្តយូហានប៉ូលទី២៣នេះ សូមឲ្យព្រះសហគមន៍ទាំងមូលចេះរួបរួមគ្នា លើក​តម្កើ​ង​​តាម​ភា​សា​ តាមវប្បធម៌របស់យើង ដែលអង្គសន្និបាតបានជួយឲ្យប្រទេសនីមួយៗមាននៅ ប្រពៃណី វប្បធម៌ អរិ​យ​ធម៌ និងភាសារបស់ខ្លួន អាចជួបជុំគ្នា ដើម្បីសិរីរុងរឿងរបស់ព្រះជាម្ចាស់ អាម៉ែន៕