ថ្ងៃទី០៧ ខែកញ្ញា ឆ្នាំ២០២៤ អត្ថាធិប្បាយគម្ពីរ លូកា (៦,១-៥)បកស្រាយដោយ៖ លោកបូជាចារ្យ អ៊ុន សុន
ជម្រាបសួរបងប្អូនជាទីស្រឡាញ់! ថ្ងៃនេះខ្ញុំមានអំណរសប្បាយរីករាយមកបកស្រាយព្រះបន្ទូលដំណឹងល្អដែលនាំឱ្យយើងលើកតម្កើងព្រះជាម្ចាស់ដោយសារជំនឿលើព្រះបុត្រារបស់ព្រះអង្គ ដែលបានប្រទានជីវិតអស់កល្បជានិច្ចឱ្យយើង។
ខ្ញុំមានបីចំណុចតូចដើម្បីចាប់ផ្តើម ទីមួយយើងត្រូវទទួលព្រះអំណោយទានដែលជាអំណោយនៃជីវិតសម្រាប់យើងម្នាក់ៗ។ ទីពីរ ចូលយើងកុំបប្រៀបធៀបយើងទៅបងប្អូនឯទៀតៗព្រោះព្រះអំណោយទានមានគ្រប់ៗគ្នា និងទីបីសូមកុំប្រមាថមើលងាយបងប្អូនឡើយ ព្រោះយើងទាំងអស់គ្នាគឺជាបុត្រធីតារបស់ព្រះបិតា។ នៅក្នុងដំណឹងល្អលូកា ៦,១-៥គឺនិយាយពិព្រះយេស៊ូជាបុត្រារបស់ព្រះជាម្ចាស់ព្រះអង្គមានអំណោចលើថ្ងៃសម្ប័ត ហើយព្រះអង្គយាងមកនៅក្នុងលោកនេះដើម្បីជួយឱ្យមនុស្សមានសេរីភាពក្នុងការប្រតិបត្តិជំនឿរបស់ខ្លួន ព្រោះព្រះអង្គចង់ឱ្យយើងយល់ថា ព្រះជាម្ចាស់បានប្រទានជីវិតឱ្យយើង។
ដូច្នេះបើយើងគោរពកោតខ្លាចព្រះជាម្ចាស់នោះវិន័យផ្សេងៗយើងនឹងអាចគោរពនឹងស្រឡាញ់គ្នាជាបងប្អូនបាន។ ខាងពួកគណៈផារ៉ាស៊ីគេជំទាស់ប្រឆាំងគេរករឿង គេចាប់កំហុសដោយសារតែសាវ័ករបស់ព្រះយេស៊ូធ្វើការនៅថ្ងៃសម្ប័ត ធ្វើការនៅថ្ងៃដែលគេហាមឃាត់។ ដូច្នេះព្រះយេស៊ូចង់បង្ហាញថា សេចក្តីត្រូវការដែលសាវ័កធ្វើនោះ គឺជាសេចក្តីត្រូវការដើម្បីអាហារដែលគេត្រូវការចិញ្ចឹមជីវិតគឺឱ្យយើងយល់អំពីអាហារដែលយើងត្រូវការនោះជាអាហារដែលមិនគ្រាន់តែជាអាហារខាងរូបកាយប៉ុណ្ណោះទេ ប៉ុន្តែព្រះយេស៊ូមានព្រះបន្ទូល គឺជាអាហារដែលផ្តល់ជីវិតអស់កល្បជានិច្ច។
ចូរយើងអរព្រះគុណព្រះជាម្ចាស់! ដែលព្រះអង្គបានប្រទានព្រះយេស៊ូជាអាហារដែលផ្តល់ជីវិតឱ្យយើង។ នៅពេលដែលយើងស្តាប់ព្រះបន្ទូល នៅពេលដែលយើងទទួលព្រះកាយព្រះអង្គគឺនៅពេលនោះយើងទទួលព្រះយេស៊ូផ្តល់។ ដូច្នេះហើយព្រះយេស៊ូផ្តល់ជីវិតអស់កល្បជានិច្ច ដូច្នេះអាហារលោកកិយ សម្បត្តិលោកកិយ៍គឺផ្តល់ឱ្យយើងត្រឹមពេលស្លាប់តែប៉ុណ្ណឹង។ ដូច្នេះឱ្យយើងរីករាយទទួលព្រះបន្ទូលជាអាហារដែលផ្តល់ជីវិតប្រសើរជាងយើងប្រមូលទ្រព្យសម្បតិ្តលោកកិយ៍ ដែលនាំឱ្យយើងស្លាប់នៅថ្ងៃណាមួយ។
សូមបងប្អូនរិះគិតអំពីអាហារដែលនាំឱ្យយើងមានជីវិត និងជឿលើព្រះបុត្រាដែលព្រះអង្គលើថ្ងៃសម្ប័តលើវិន័យទាំងអស់គឺជាព្រះយេស៊ូ ដែលយាងមកដើម្បីធ្វើឱ្យសេចក្តីទាំងអស់ដើម្បីជួយមនុស្សទាំងអស់ឱ្យមានសេរីភាពពិតប្រាកដក្នុងការគោរជំនឿរបស់ខ្លួន គឺនៅពេលណាដែលយើងទទួលស្គាល់ព្រះយេស៊ូជាព្រះបុត្រារបស់ព្រះអង្គគឺនៅពេលនោះជីវិតរបស់យើងនឹងទទួលអត្ថន័យថ្មីនៅក្នុងជីវិត។ អាម៉ែន៕
Daily Program
