ថ្ងៃទី០៣ ខែមិថុនា ឆ្នាំ២០២៥ អត្ថបទគម្ពីរ (យ៉ូហាន ១៧,១-១១)អត្ថាធិប្បាយគម្ពីរដោយ៖ លោកបូជាចារ្យ រឿង ឆ័ត្រសិរី

បាទបងប្អូនជាទីស្រឡាញ់! នៅក្នុងព្រះបន្ទូលថ្ងៃនេះ ព្រះយេស៊ូអធិដ្ឋានឱ្យក្រុមសាវ័កដើម្បី​សូម​ព្រះបិតា​បន្ត​ការថែរក្សាការពារពួកគេ។ ការពារថែរក្សាមានន័យថា មិនគ្រាន់តែផ្លូវកាយ តែព្រះអង្គចង់សំដៅ​លើ​ការពារថែរក្សាជំនឿរបស់ពួកគេដែរ ដោយសារបន្តិចទៀតព្រះអង្គបាត់ទៅ សាវ័កនឹងមានការភ័យខ្លាច និងបាត់បង់ទំនុកចិត្ត។

នេះជាការអធិដ្ឋានរបស់ព្រះយេស៊ូដែលប្រាប់គេទុកមុន ដើម្បីឱ្យពួកគាត់ដឹងថាព្រះជាម្ចាស់​មានសេច​ក្តី​ស្រឡាញ់នឹងថែរក្សាសាវ័ក។ ដោយការដឹកនាំល្អ ព្រះអង្គក៏ចង់ឱ្យពួកគាត់រីកចម្រើនខាងជំនឿ ដើម្បីឱ្យចែ​ក​ចាយ​ជំនឿនេះដល់អ្នកដទៃដែរ។ ព្រះបន្ទូលថ្ងៃនេះព្រះអង្គក៏បានអធិដ្ឋានថា ព្រះបិតាចាត់​ព្រះអង្គ​ឱ្យ​មក​ក្នុងលោកនេះយ៉ាងណា ព្រះអង្គក៏ចាត់ពួកសាវ័កនោះឱ្យចេញទៅសម្រាប់សាសន៍ដទៃយ៉ាងនោះដែរ។

ច្នេះពួកសាវ័បន្តិចម្តងៗពួកគាត់ត្រូវការរីកចម្រើននូវជំនឿរបស់ខ្លួន ដើម្បីឱ្យពួកគាត់អាចចេញទៅមាន​ភាពក្លាហានការបន្តបេសកកម្មនេះព្រះអង្គមិនបោះចោលឱ្យពួកគាត់ធ្វើតែឯងទេ។ បន្តិចទៀតយើ​ង​បញ្ចប់​នៅក្នុងរដូវនេះយើងមានថ្ងៃបុណ្យធំមួយគឺបុណ្យព្រះវិញ្ញាណយាងមក ជាពេលវេលាមួយ​ដែលពួកគាត់​ទទួលកម្លាំងព្រះមួយទៀតគឺព្រះវិញ្ញាណដ៏វិសុទ្ធ ​ដែលព្រះយេស៊ូមានឈ្មោះមួយមុន​ព្រះអង្គចាកចេញ​គឺ​ព្រះ​ដែលជួយការពារ ដើម្បីឱ្យក្រុមសាវ័កនឹងមានកម្លាំងមកពីព្រះវិញ្ញាណដ៏វិសុទ្ធ​នឹងដឹងថាព្រះជា​ម្ចាស់​ការ​ពារថែរក្សាពួកគេ និងចាត់ពួកគេឱ្យទៅដែរ។

ដូច្នេះពេលព្រះយេស៊ូចាត់សាវ័កឱ្យទៅយ៉ាងណា ព្រះជាម្ចាស់ក៏ចាត់យើងឱ្យទៅយ៉ាងនោះដែរ។ បង​​ប្អូនជាច្រើនដែលទទួលអគ្គសញ្ញាលាបថ្ងាស់ហើយ បងប្អូនទទួលព្រះវិញ្ញាណហើយ បន្តិចទៀតបងប្អូ​ន​ត្រូវដឹងថា យើងត្រូវទៅបំពេញសកម្មភាពរបស់ព្រះអម្ចាស់យេស៊ូគ្រីស្តរបស់យើងដែរ  យើងផ្តល់សក្ខីភាព​អំពីជំនឿសម្រាប់អ្នកដទៃនេះជាសក្ខីភាពដែលព្រះយេស៊ូចាត់សាវ័កទៅយ៉ាងណា ព្រះអង្គក៏ចាត់​យើង​ឱ្យ​ទៅយ៉ាងនោះដែរ។ សូមព្រះអង្គប្រទានកម្លាំងឱ្យបងប្អូនផ្តល់សក្ខីភាពនេះយ៉ាងល្អដោយមានទំនុកចិត្តថា ព្រះជាម្ចាស់នៅជាមួយយើងការពារថែរក្សាជានិច្ច។ សូមព្រះជាម្ចាស់ប្រទានពរឱ្យអស់បងប្អូន៕