លោកប៉ាវេល ឌូរ៉ូវ ស្ថាបនិកបណ្តាញតេឡេក្រាម កំពុងជាប់ដំណើរការយុត្តិធម៌ នៅបារាំង

លោកប៉ាវេល វ៉ាឡឺរីវីច ឌូរ៉ូវ កើតនៅថ្ងៃទី១០ ខែតុលា ឆ្នាំ១៩៨៤ នៅទីក្រុងឡេនីនហ្គ្រ៉ាដ សហភាពសូវៀត។ លោកគឺជាអ្នកព័ត៌មានវិទ្យា និងម្ចាស់សហគ្រាសបច្ចេកវិទ្យារុស្ស៊ី។ លោក​បាន​​ចូល​សញ្ជាតិ​បារាំងនៅឆ្នាំ២០២១។

លោកប៉ាវេល ឌូរ៉ូវ នៅឆ្នាំ២០០៦ គឺជាសហស្ថាបនិកនៃបណ្តាញសង្គម វីកុនតាក ដែល​លោក​គឺ​ជា​អគ្គនាយក រហូតដល់ខែមេសា ឆ្នាំ២០១៤។ នៅឆ្នាំ ២០១១ លោកប៉ាវេល ឌូរ៉ូវ ក្លាយ​ជា​មនុស្ស​ម្នាក់ក្នុងចំណោម ១០រូប ដែលមានឥទ្ធិពលបំផុត​នៅលើអ៊ីនធឺណិតនៅរុស្ស៊ី។ លោក​គឹ​ជា​​សហ​ស្ថាបនិកបណ្តាញសង្គមតេឡេក្រាម នៅឆ្នាំ២០១៣។ ទ្រព្យសម្បត្តិរបស់លោកត្រូវ​បាន​​វាយ​តម្លៃថា មានប្រមាណ ១៥ពាន់លានដុល្លារ នៅឆ្នាំ២០២១។

ទោះបីលោកប៉ាវេល ឌូរ៉ូវ កើតនៅទីក្រុងឡេនីនក្រាដ ប្រទេសរុស្ស៊ី ក៏លោកចំណាយ​ពេល​មួយ​ភាគធំនៃវ័យកុមារភាព​រស់នៅប្រទេសអ៊ីតាលី ទីក្រុងទូរីន។ នៅទសវត្សឆ្នាំ១៩៩០ គ្រួសារ​របស់លោកបានវិលត្រឡប់មកកាន់រុស្ស៊ី ដែលលោកប៉ាវេល ឌូរ៉ូវ ក៏បានចូលរៀននៅ​សាលា​មួយក្នុងចំណោមសាលានានាដ៏ល្បីល្បាញ គឺសាលា សាំង ពេទែស្បួ ដែលលោករៀន​ជំ​នាញ​ភាសាគណិតវិទ្យា។ ដោយ​មាន​សមិទ្ធផល​ខាងការសិក្សា និងការចួលរួមវិភាគទាននៅ​ជី​វិត​ជានិស្សិតនៃសកលវិទ្យាល័យ លោកបានទទួលអាហាររូបករណ៍ពីរដ្ឋាភិបាល​នៃសហព័ន្ធ​រុស្ស៊ី។

លោកប៉ាវេល ឌូរ៉ូវ បានបង្ហាញខ្លួនស្ម័គ្រចិត្តជាអ្នកប្រឆាំងលោកវ្លាឌីមៀ ពូទីន។ លោកមាន​គំនិត​នយោបាយ និងសេដ្ឋកិច្ចសេរី។ នៅថ្ងៃទី១៦ ខែមេសា ឆ្នាំ២០១៤ លោកបដិសេធជា​សាធារណ​បញ្ជូនទិន្នន័យរបស់បាតុករអ៊ុយ​ក្រែនទៅកាន់ទីភ្នាក់ងារសន្តិសុខរុស្ស៊ី និងបិទទំព័រ របស់​លោកអាឡិចសីអ៊ី ណាវ៉ាល់នី មេដឹកនាំប្រឆាំងនៅរុស្ស៊ី នៅលើ វីកុនតាក់។

នៅថ្ងៃទី២៥ ខែសីហា ឆ្នាំ២០២១ លោកបានចូលសញ្ជាតិបារាំង។ ឈ្មោះជាភាសា​បារាំង​របស់​លោក​គឺ ប៉ូល ឌុយ រ៉ូវ ដោយក្រឹត្យនៅថ្ងៃទី១១ ខែឧសភា ឆ្នាំ២០២២។ ទោះបីជា​លោក​មិន​ដែល​ស្នាក់នៅប្រទេសបារាំង និងមិននិយាយភាសាបារាំង​បានរអិល។ លោកបានទទួលគុណ​ប្រយោជន៍ពីនីតិវិធីពិសេស សម្រាប់ជនបរទេស ដែលមានលក្ខណៈប្រសើរបំផុត។

នៅខែវិច្ឆិកា ឆ្នាំ២០០៦ លោកប៉ាវេល ឌូរ៉ូវ បានដាក់ឲ្យដំណើរការបណ្តាណសង្គមវីកុនតាក់ ដែលបង្កើតឡើងដោយមានជំនួយពីលោកវ៉ីយ៉ាចឺស្លេវ មីរីឡាចវីលី។​ ការលក់ភាគហ៊ុន​នៃ​វីកុនតាក់ ១៣% បាននាំឲ្យលោក ប៉ាវេល ឌូវ៉ូវ ទទួលបាន ៣០០លាន​ដុល្លារ ដែលធ្វើឲ្យលោក​ចំណេញ​ដើម្បីបង្កើតបណ្តាញនាំសារ តេឡេក្រាម ជាមួយបងប្អូន​របស់លោក នីកូឡៃ ដែល​ជា​អ្នកគណិតវិទ្យា។

ប៉ុន្តែកាលពីថ្ងៃទី២៤ ខែសីហា ឆ្នាំ២០២៤ លោក ប៉ាវេល ឌូវ៉ូវ ត្រូវបានឃាត់ខ្លួនសាកសួរនៅ​ព្រលានយន្តហោះ បួហ្សេ ប្រទេសបារាំង នៅក្នុងក្របខណ្ឌអណត្តិនៃការស្រាវជ្រាវ និង​ការ​ស៊ើប​​អង្កេត​បឋម។

លោក ប៉ាវេល ឌូវ៉ូវ ត្រូវបានចោទប្រកាន់ពីបទផ្សំគំនិត​ និងការធ្វេសប្រហែល​ដែលពាក់ព័ន្ធ​នឹង​សេវាតេឡេក្រាមរបស់លោក ដែលបង្កជាឧក្រិដ្ឋកម្មធ្ងន់ធ្ងរ ការជួញដូរគ្រឿងញៀន ការ​កេង​ប្រវ័ញ្ចផ្លូវភេទលើកុមារ ឬសំណូក។ លោកត្រូវបានឃាត់ខ្លួននៅពេលមកដលប្រទេស​បារាំង​ចេញពីប្រទេសអាហ្ស៊ែបៃហ្សង់។

របាយការណ៍បង្ហាញថា លោក ប៉ាវេល ឌូវ៉ូវ បង្ហាញក្នុងបញ្ជីមនុស្សដែលគេតាមរកបំផុត​ដោយសារ​អាជ្ញាធរបារាំង និងថា ការឃាត់ខ្លួនរបស់លោកដោយសារការបដិសេធ​របស់លោក​មិន​សហប្រតិបត្តិការជាមួយនិងតុលការ ជាពិសេសនៅលើសំណុំរឿងនានាដែលពាក់ព័ន្ធនឹង​សកម្មភាព​របស់តេឡេក្រាម។