មេទ័ព គ័នអ៊ី សម័យសាមកុក ក្លាយជាព្រះដែលប្រជាជនចិនគោរពបូជា

គ័នអ៊ី កើតនៅប្រមាណឆ្នាំ១៦០-១៦២ និងស្លាប់នៅប្រមាណខែតុលា ឆ្នាំ២១៩-២២០។ លោក គ័នអ៊ី គឺជាមេទ័ពចិនម្នាក់នៅចុងរជ្ជកាលរាជវង្សហាន និងការចាប់ផ្តើមនៃសម័យកាល​នគ​រ​បី ឬសម័យសាមកុក នៅប្រទេសចិន។

លោកគ័នអ៊ី បម្រើការងារនៅក្រោមការបញ្ជារបស់លោកលីវ ប៉ី ដែលជាស្ថាបនិកនៃ​រាជាណាចក្រ​ស៊ូ និងជាបងប្អូនប្រកៀកស្មាប្រយុទ្ធជាមួយបងប្អូនម្នាក់ទៀត គឺលោកចាង ហ្វ៊ី។ លោក​គ័នអ៊ី គឺជាមេទ័ពម្នាក់ក្នុងចំណោមមេទ័ព ប្រាំនាក់ទៀត ដែលគេ​ប្រសិទ្ធនាម​ថា មេទ័ព​ខ្លា ៥ មាន គ័នអ៊ី ហ័ងចុង ម៉ាចាវ ចាងហ្វ៊ី និងចាវយុន។ កាល​នៅ​រស់ លោកគ័នអ៊ី មាន​កិត្តិសព្ទ​ថាជាមេទ័ព មិនដែលចាញ់។ ចុងក្រោយ លោក​ត្រូវ​គេ​ចាប់​បាន និងសម្លាប់ ជាមួយ​នឹង​កូនប្រុស គ័នភីង ដោយកងទ័ពរបស់ស៊ុន ឈាន ដឹកនាំ​ដោយ​មេទ័ព លូ ម៉េង នៅក្នុង​ការ​ប្រយុទ្ធ​នៅបន្ទាយហ្វាន។   

លោកគ័នអ៊ី ត្រូវបានគេ​គោរព​ដូចព្រះ នៅប៉ុន្មានសតវត្សក្រោយ​មរណភាព​របស់លោក​នៅ​ក្រោម​នាម កានស្ហ៉េងទីជុន ឬ​អាទិទេពគ័នអ្នកមានបុណ្យ។ លោក​គ័នអ៊ីត្រូវបាន​គេបូជា​នៅ​ប្រទេសចិនរហូតមកដល់សព្វ​ថ្ងៃ​នេះ ទាំងអ្នកកាន់សាសនាតាវ និង​អ្នក​កាន់សាសនា​ព្រះ​ពុទ្ធ។ ព្រះអង្គគ័នអ៊ី មាន​ប្រជាប្រិយភាព​ជាពិសេសនៅទីក្រុងហុងកុង ជា​អាទិទេព​នៃសង្រ្គាម របស់​ធុរជន និងប៉ូលីសតម្រួត។ ជា​ប្រពៃណី គេតំណាង​លោក​ជាមួយ​មនុស្ស​មានមាឌធំ មាន​មុខ​ពណ៌ក្រហម (និមិត្តរូបនៃ​ភាព​ស្មោះត្រង់ និងគោរពច្បាប់) ជាមួយ​នឹង​ពុកចង្កាវែង និងកាន់​លំពែង​មុខដាវធំ។ តាម​រឿងនិទាន លំពែងនេះ មានទម្ងន់ប្រមាណជា ៤០​គក។  

នៅក្នុងរឿងសាមកុក ឬនគរ ៣ លោកគ័នអ៊ី គឺមានជីវិតអមតៈ លោកត្រូវបានគេពិព៌នា ជាអ្នក​ចម្បាំង​ដ៏ស្មោះត្រង់ និងមានកិត្តិយស ដែលមានសមត្ថភាពលើសពីមនុស្សធម្មតា។ លោក​គ័នអ៊ី មានកូន ៤នាក់ គឺគ័នភីង គ័នស៊ីង គ័នស៊ូ និងគ័នយីនភីង។

នៅជប៉ុន លោកគ័នអ៊ី ត្រូវបានគេស្គាល់ក្រោមឈ្មោះ កានអ៊ូ អ៊ុនចូ និងនៅកូរ៉េ លោកមាន​ឈ្មោះ​ថា ហ្គ្វ៉ានូ អុនចាង។

ប៉ុន្តែការស្លាប់របស់លោកគ័នអ៊ី បានត្រូវប្រជាជនបន្តភាគនៃធម្មជាតិវដ្តជីវិត ដែលបង្ហាញថា ព្រលឹង​របស់លោកគ័នអ៊ី បានត្រាស់ដឹង។ បន្ទាប់ពីលោកត្រូវបានគេកាត់ក្បាលភ្លាម ព្រលឹង​របស់​លោកទៅត្រាច់ចរនៅភ្នំយូកាន នៅខាងក្រៅអតីតខេត្ត ដាងយ៉ាង។ នៅពេលនោះ ព្រលឹង​​របស់លោកបានជួបព្រះសង្ឃម្នាក់ ហើយលោកស្រែកថា ៖ “សងក្បាលគាត់វិញមក”។ ព្រះ​សង្ឃបានសួរទៅកាន់គ័នអ៊ី ហេតុអ្វីគាត់ទាមទារក្បាល នៅខណៈដែលគាត់បានសម្លាប់ និង​​កាត់ក្បាលមនុស្សជាច្រើនដើម្បីបំពេញកាតព្វកិច្ចរបស់ខ្លួន ដែលដូចជាមេទ័ពនានា របស់​ឆាវឆាវ ដែលលោកបានសម្លាប់ និងកាត់ក្បាល នៅអំឡុងពេលភៀសខ្លួន។ ដោយ​យល់​អំពី​សំដីរបស់ព្រះសង្ឃ លោកគ័នអ៊ី បានភ្លឺ និងក្លាយជា ព្រះពោធិសាត់។

ដោយមិនមានការសង្ស័យ នៅក្នុងចំណោមតួអង្គ នៅសម័យនគរបី របស់ចិន លោកគ័នអ៊ី គឺ​ជា​ម្នាក់ដែលមានការកត់សម្គាល់បំផុតខាងដួងព្រលឹងវិញ្ញាញ និងវប្បធម៌ នៅក្នុងវប្បធម៌ចិន។

សព្វថ្ងៃនេះ លោកគ័នអ៊ី ត្រូវបានគេចាត់ទុកជាព្រះនៃសង្រ្គាមផង និងភាពស្មោះត្រង់ផង និង​បាន​ក្លាយជាកម្មវត្ថុនៃការចម្លងចូលស្នាដៃជាច្រើននៅក្នុងវប្បធម៌ប្រជាជន មានទាំងសៀវភៅ រឿង​​គំនូរជីវចល រឿងភាគទូរទស្សន៍ ភាពយន្ត និងហ្គេម។ល។

អ្នកជំនួញច្រើនណាស់ មានរូបចម្លាក់លោកនៅលើអាសនៈរបស់ពួកគេដើម្បីជាការគោរពបូជា​សុំ​ឲ្យ​កិច្ចការរីកចម្រើន។ រឿងទេវកថាដែលមានទំហំធំធេងរបស់លោក បាននាំឲ្យលោក​ត្រូវ​បាន​គោរពបូជានៅក្នុងវប្បធម៌បូព៌ា ជាពិសេសសម្រាប់កងកម្លាំងរក្សាសណ្តាប់ធ្នាប់ និងរហូត​ដល់​អង្គការឧក្រិដ្ឋកម្មខ្លះៗ ដែលមានការរៀបចំផងដែរ។