សេវាកោសជប់បច្ចុប្បន្នដូចមានគ្រប់កន្លែង! តើមានអ្វីនៅខាងក្នុង ?

សូមឆ្ងល់មួយ! នៅពេលបច្ចុប្បន្ននេះបើនិយាយអំពីកន្លែងដែលបុរសៗស្វែងរកសេវាផ្លូវភេទគឺហាក់មិនសូវឃើញទេ ប៉ុន្តែអ្វីដែលឃើញនៅពេលបច្ចុប្បន្ននេះបែរជាសំបូរកន្លែងកោសជប់ទៅវិញ។ តើនៅក្នុងទីកន្លែងដែលផ្តល់សេវាកោសជប់នេះមានអ្វីនៅពីក្រោយ ?

នៅរាជធានីនិងទីប្រជុំជនមួយចំនួន ជាពិសេសកន្លែងដែលសំបូរមនុស្ស និង សកម្មភាពសេដ្ឋកិច្ចផ្សេងៗ មមាញឹកខ្លាំង ទាំងថ្ងៃទាំងយប់គឺតែងតែសង្កេតឃើញមានកន្លែងដែលបើកនិងផ្តល់សេវាកម្មកោសជប់នេះច្រើន ។

យើងមិនដឹងថា នៅក្នុងកន្លែងផ្តល់សេវានោះគឺផ្តល់តែការកោសជប់និងម៉ាស្សា តាមរបៀបនៃការព្យាបាលរោគដែលពលរដ្ឋមួយចំនួននិយមនោះតែមួយមុខឫមួយក៏មានអ្វីបង្កប់នៅជាមួយនោះទេ ។ តាមការសង្កេតអ្វីដែលយើងឃើញកន្លងមក គឺទីនោះគឺមានក្រុមនារី៤ទៅ៥នាក់​ផ្លាស់ប្តូរវេនគ្នាអង្គុយនៅតាមកន្លែងដែលផ្តល់នោះ ។ កន្លែងខ្លះមិនមានអ្វីច្រើនទេ គឺមានតែស្លាកយីហោកោសជប់នេះប៉ុណ្ណោះ ។ ដោយឡែកអ្នកដែលមករកសេវានៅទីនោះ សុទ្ធតែបុរស ហើយអ្នកដែលមកគឺទៅតាមស្ថានភាពកន្លែង និង បរិយាកាសទូទៅ ។

កន្លែងដែលមើលទៅសមរម្យស្អាតបាត ទៅ គឺមានអតិថិជនជាបុរសដែលមើលទៅមានធនធានគួរៗសម ដោយមកមានជិះម៉ូតូមានរថយន្តជាហូរហែរ ។ ប៉ុន្តែកន្លែងដែលមិនសូវមានការរៀបរយ ហើយរៀងដូចជារខេករខាកបន្តិចនោះ ក៏មានអតិថិជនជាបុរស​ជាកម្មករ ជាអ្នករត់ម៉ូតូកង់បី អ្នកជិះម៉ូតូ​អីឥចឹងទៅ ។

នៅក្នុងករណីទីនោះពិតជាផ្តល់ត្រឹមតែសេវាកោសជប់នោះវាមិនអីនោះទេ ពីព្រោះការកោសជប់នេះ ត្រូវបានគេជឿជាក់ថា ជាវិធីសាស្រ្តព្យាបាលជំងឺគ្រុនស្រៀវស្រាញ់ ឈឺក្បាល ពេលខ្លះរាគ ខ្យល់ចាប់អី គឺត្រូវបានគេជឿថា ការកោសជប់នេះអាចជួយសម្រាលនិងសម្រួលសុខភាពឲ្យប្រសើរឡើងវិញបាន ប៉ុន្តែនៅក្នុងករណីមានការលួចលាក់ផ្តល់សេវាផ្សេងដែលមិនសមរម្យ គួរតែមានការត្រួតពិនិត្យ និង អប់រំ ដើម្បីសុវត្ថិភាពសង្គម ។

ការរីកដុះដាលនៃកន្លែងផ្តល់សេវាកោសជប់ និងម៉ាស្សានៅតាមរាជធានី និងទីប្រជុំជននានា គឺជាបាតុភូតមួយដែលគួរឱ្យចាប់អារម្មណ៍ និងគួរតែមានការយកចិត្តទុកដាក់សិក្សាឱ្យបានច្បាស់លាស់។ យើងមិនអាចវាយតម្លៃ ឬសន្និដ្ឋានជាមុនថា កន្លែងទាំងអស់សុទ្ធតែមានសកម្មភាពមិនប្រក្រតីនោះទេ ព្រោះអាជីវកម្មកោសជប់ និងម៉ាស្សាមួយចំនួនពិតជាផ្តល់សេវាសុខភាព និងសម្រាកលំហែកាយដល់អតិថិជនស្របតាមតម្រូវការរបស់ពួកគេ។

ប៉ុន្តែអ្វីដែលសង្គមគួរចាប់អារម្មណ៍នោះ គឺលទ្ធភាពនៃការប្រើប្រាស់អាជីវកម្មប្រភេទនេះជារបាំងបិទបាំងសកម្មភាពផ្សេងៗដែលផ្ទុយពីច្បាប់ និងសីលធម៌សង្គម។ ប្រសិនបើមានការលួចលាក់ផ្តល់សេវាផ្លូវភេទ ឬសកម្មភាពខុសច្បាប់ផ្សេងៗនៅពីក្រោយស្លាកយីហោកោសជប់មែននោះ វាជាបញ្ហាដែលអាជ្ញាធរមានសមត្ថកិច្ចមិនគួរមើលរំលងឡើយ។

ដូច្នេះ អ្វីដែលចាំបាច់នៅពេលនេះ គឺអាជ្ញាធរមូលដ្ឋាន និងសមត្ថកិច្ចពាក់ព័ន្ធគួរចុះពិនិត្យ និងតាមដានអាជីវកម្មប្រភេទនេះឱ្យបានទៀងទាត់ ដោយផ្អែកលើច្បាប់ និងភស្តុតាងជាក់ស្តែង មិនមែនផ្អែកលើការសង្ស័យ ឬរូបភាពខាងក្រៅនោះទេ។ ទន្ទឹមនឹងនេះ ក៏ត្រូវមានការអប់រំ និងណែនាំដល់ម្ចាស់អាជីវកម្មឱ្យប្រកបរបរដោយតម្លាភាព គោរពច្បាប់ និងមិនប្រើប្រាស់អាជីវកម្មស្របច្បាប់ដើម្បីបិទបាំងសកម្មភាពខុសច្បាប់ឡើយ។ ជាពិសេស ត្រូវធានាថា ការត្រួតពិនិត្យនេះមិនប៉ះពាល់ដល់អ្នកប្រកបអាជីវកម្មសុចរិត កម្មករនិយោជិត និងស្ត្រីដែលធ្វើការក្នុងវិស័យនេះដោយស្របច្បាប់នោះទេ។ ការរក្សាសណ្តាប់ធ្នាប់សង្គមមិនមែនជាការបិទអាជីវកម្មកោសជប់ និងម៉ាស្សានោះទេ ប៉ុន្តែជាការធានាថា អាជីវកម្មទាំងនេះដំណើរការដោយស្របច្បាប់ មានសុវត្ថិភាព និងមិនក្លាយជាជម្រកនៃសកម្មភាពលួចលាក់ខុសច្បាប់។

Daily Program

Livesteam thumbnail
khmer popup image