ស្ថាប័នអឺថដេយ (EARTHDAY.ORG) និងចលនាយុវជនទូទាំងពិភពលោក បានអបអរសាទរការសម្រេចចិត្តរបស់ សន្តអាសនៈ ដែលដាក់ការអប់រំអាកាសធាតុជាបេះដូងនៃគោលនយោបាយអាកាសធាតុផ្លូវការរបស់ខ្លួន។
វ៉ាទីកង់ញូវបានរាយការណ៍ថា នៅក្នុងសេចក្តីថ្លែងការណ៍ដែលបានចេញផ្សាយភ្លាមៗបន្ទាប់ពីបុរីវ៉ាទីកង់បានបង្ហាញពីការប្តេជ្ញាចិត្ត រួមចំណែកកំណត់ផែនការរដ្ឋរបស់ខ្លួន ទៅតាមស្មារតីនៃកិច្ចព្រមព្រៀងទីក្រុងប៉ារីស នៅថ្ងៃទី ១៦ ខែកញ្ញា ឆ្នាំ ២០២៥ អង្គការនេះបានពិពណ៌នាអំពី "ការប្តេជ្ញាចិត្តត្រួសត្រាយផ្លូវចំពោះការអប់រំផ្នែកបរិស្ថាន" របស់សន្តៈអាសនៈថា ជាការផ្តល់នូវ "ភាពជាអ្នកដឹកនាំខាងសីលធម៌ដ៏មានឥទ្ធិពល និងសារច្បាស់លាស់សម្រាប់ព្រះសហគម៍កាតូលិកសកល"។
ស្ថាប័នអឺថដេយ គឺជាអ្នកផ្តួចផ្តើម ដ៏ធំបំផុតរបស់ពិភពលោកសម្រាប់ចលនាបរិស្ថាន ដោយធ្វើការជាមួយដៃគូជាង ១៥ម៉ឺននាក់នៅក្នុងប្រទេស១៩២ ដើម្បីជំរុញសកម្មភាពវិជ្ជមានសម្រាប់ភពផែនដីរបស់យើង៕
Daily Program
